من ارشيف الماضي ايضا قصه قصيره ومشاعر

بســـم الله الرحمن الرحميم طبعا من يفشل بتجربته الأولى في عالم الحياه الزوجيه ييأس الا من رحم ربي طبعا محاكيكم من الفاشلين الأوائل بأول تجربه وعندمانصحت بالتجربه مره اخرى والإرتباط قلت اجرب من جديد ويمكن الله يكتب لي التوفيق ولكن اللي ماكنت اعرفه ان اهل الزوجه الجديده ستعمل لديهم النزعه الإسخباراتيه وسألو اهل زوجتي السابقه وتفاجأت مماقالته عني وهي قالت بعض الصدق بس ملحت بزياده لين خاست الطبخه وصارت شينه رغم انها تزوجت الله يستر عليها وراحت المهم كنت في مناسبه عائليه والناس حولي ووالله كنت اشعر انني لوحدي بصحراء قاحله لا اسمع فيها الا صدى صوتي وتذكرت قول ابن فطيس وتبغي تناظر وأنت عايش مماتك..؟ .........................شف وحدتك..والناس تجلس حواليك قلت شيئا لاادرك هل هو شعرا ام نثرا لكن مشاعر وليده انكساروبالتالي فهي ما تغنى بها فؤادي في عالم لم اعد ادرك به من المخطئ ومن يستحق (بالقلب ونه) البارحه ونيت انا من جفا الدار .......................لوالعرب حولي في القلب ونه اسكت واجامل وبخفوقي لضى النار .......................وماعاد افرق بين واجب وسنه ولاجيت ابنسى صاح بالقلب تذكار ........................ماجاز عن قلبي ولااجوز عنه لامن ذكرته هل هالدمع مدرار ........................كذبت ياللي توصف الحب جنه الحب كشف حجاب واسرار واستار ............................خيب ضنوني خيب الله ضنه في مامضى كنت اسمع ابيات واشعار .......................من شاعر(ن)يطرب خفوقي لفنه .. .. .. .. .. استر على المخطي ترى الوقت دوار .....................وان داريمكن تطلب الستر منه .. .. .. .. .. لكن حكي بي والذي صار قدصار .......................وصحى جروح(ن)خافيه مستكنه الجارله حق ومواجيب لو جار ......................لوجار يبقى جارمن غير منه إشلون أنا,وانا معه عشت مشوار .......................ايام يكسيها الغلا مطمئنه اوصف جروحه لي وانا دوم صبار .......................سوات من يجرح شفاته بسنه لكن أنا بستره لو يفضح حكاياي بـ اخبار ....................لنه ولني .. ثم لني.. ولنه مثل النحل يجني العسل جوف الأزهار .....................لو يجرحه شوك الزهربالأسنه وان جا تعذر قلت ماتفيدالأعذار ......................بسامحه لكن في القلب ونــــه أيمن عبدالعزيز في امان الله