الشيخ العتيق ..

عوّد يسامر وحدتي .. بضحكه .. وكلامه ..

ذاك اللي سكن قلبي أناااا ..

الشيخ العتيق ..

تذكرت أزماااااااااان ..

كان يجري فيها على ذاك الطريق ..

ويسابق الموج في وسط بحرٍ غريق ..

و أزماااان ..

كان يزلزل فيها الكل .. بصوته العميق ..

وتهل دمعات عيني خوف بس من نظرته ..

وتذكرت ..

روحاته للمسجد .. وجيــّـته ..

يمشي للصلاة في وقتها .. وبيده يمسك سبحته ..

يحب الخير للناس كلها .. وبالخير يجيب الكل سيرته ..

طيب .. حنون .. كريم .. وفيّ .. حتى اسألوا أصحابه وجيرته ..

تدرون إنه يعاني له فترة من رقدته ..

وأصبح بعد يملّ من طول جلسته ..

ويملّ حتى من أي أحد يحاول يسنده ويمشي معاه ..

والعناااا ... ما يبيها تمسك حتى يمناه ..

وبكل تصميم حاول شيخنا العتيق ..

يمشي لوحده بالطريق ..

مايبي يعتمد إلا على ربه .. ثم ذيك العصاااا

مرة يتعثر ..

مرة يمشي ..

مرة يوقف ..

ومرة يقرب يطيح ..

وبصمت .. بذاك الصوت أصيح ..

مابيه يسمعني .. ويصبح جريح ..

ومن خوف قلبي عليه ..

أمشي خطوة بخطوة وراه ..

حكمتك ياربي .. عقب القوة والشدة ..

بلحظة يصبح الإنسان ضعيف ..

والشيخ الكبير .. يرجع طفلٍ صغير ..

وتركض .. وتركض .. عقارب الساعة ..

والشيخ العتيق تحسنت أحواله ..

وصار يطربني .. صوت ذاك العصااا وتكته ..

ورجعت تداعب أصابعه .. سبحته ..

والليلة .. عند نومه ..

قاللي : مليت .. ليمتى أتم تعبان ؟؟

ودي أقوم .. وأمشي .. و دي أصلي التراويح في رمضان ..

حسيت بجرحه وآلامه ..

قلت : تحسنت ومافي شي على الله بعيد ..

إن شالله تصلي التراويح .. ومن عقبها صلاة العيد ..

أقول .. لا تسوي فيها زعلان !!

العيدية هالسنة بتزيد يعني بتزيد .. !!!!!

ضحك من قلبه وقاللي :

كل عام وانتي بخير ..

الله يسعدك .. ويحفظك .. ويعافيك يا بنيتي

تبون الصراحة ؟؟

وقتها .. والله لمعت في عيوني دمعتي ..

حبيت إيده .. وخده ..

وقلت : يا جعلك الخير لكل عام ..

يا أبوي .. يا أغلى إنسان بدنيتي ..

*

*

*

وكل عام والجميع بألف خير إن شالله

العناااا