انا امك انا امك حملتك والعذاب الوان

هذي قصه مؤلمه جدا واعتقد ان الشاعر اللي قالها

هو الشاعر / سالم سيار .

هذي عجوز حصلها الشاعر على الرصيف نايمه وفي يدها علاجها وكانت

ليله بارده جداً المهم سألها الشاعر وقال تبين محل قالت نعم ابغاك توديني

دار العجزه قال لها ليش قالت طردني ولدي الوحيد بعد ما زوجته وصلها الشاعر

وقلبه يتفطر من الالم وقال هذي الابيات ..



معقوله تجي منك ترميني لاي انسان

لملمني ولا يلقى بعيونه كود دمعاتي



انا ماصدق انك انت تنهيني من الوجدان

ترميني وانا شوف القبر نادا مسافاتي



كسَرني الشتا يا هيه وانت بهالحشا غفيان

تحملت الاسى والضيم عشانك يابعد ذاتي



انا امك انا امك حملتك والعذاب الوان

ولدتك والالم سكين يركز داخل لهاتي



زهملتك بعين وعين يشرب حزنها القرآن

وهزيتك وكان النور يتهزهز من دعاتي



وتذكر يوم مدرستك صدى وكفوفنا الحرمان

ورنيَت الصدى من فلس لثمته بطرف شيلاتي



وطولك من ركض فيني لمست بداخلي اوطان

وشفتك تبني بمجدك على اكتاف انكساراتي



كبرت وصرت بعيوني فارس واشهم الفرسان

وحلفت اني على عرسك لرَقص كل شيباتي



افا وشلون تتركني ويكحلني عمى النسيان

وانت ادرى بيوم الحشر جنه تحت خطواتي



لك الله ما نطق فمي الا دعوة الغفران

ولكن خوفي ياوليدي من دعوات عبراتي



تدين اليوم وياخوفي باكر للاسف تندان

ويرمونك مثل امك وتذكر حلم شيباتي



------------------


قال الله تعال : ( وقضى ربك الا تعبدو الا اياهو وبالوالدين احسانا )
صدق الله العضيم