تعرّف على شاعريتك من تاريخ ميلادك !

موضوع عجبني جداً فحبيت انكم تشاركوني فيه
ياللا كل واحد يقول هو من مواليد أي شهر قولوا الصراحة والصدق
مو تختارون شهر حلو كلامه ههههههههه ..
تيب .. أنا لأني من مواليد شهر شوال الروعة ..
طلع اللهم ياكافي كلامه يعني قلت يارب يكون رومانسي وناعم
بس طلع كل كلام البيت عفريت وعصيدة الحمد لله بس
الحين عليكم الدور ياللا ..

.. محرم ..

ينطح بشعره رأس كل القصايد=لو كان ماله في الشعر رأس وقرون
محال يكتب شي من دون عايـد=يحـلب جيـوب الناس ويقول مـديون

.. صفر ..

يبكي حزن.. ويقول دمع السعادة = إنسان ما صادف من السعد توفيـق
حـرفه تميـــز بالصبـر والجـلادة= يكتب عن الأفراح ويحس بالضيق

.. ربيع الأول ..

يشرب بحر ويقول ما أطعم الملح = يشرب ولا يشكي من البحر ظميان
راعي مشاكل ما يدور على الصلح= ما يـرهبه شـاعر ولو كـان من كـان

.. ربيع الثاني..

عاطفي قلبه ولا فيه انعطاف= مستحيل يعيش من دون الجميع
للوفا والحـب ما قد قال طاف = هيــن ليــن ولـه صـدر وسـيـع

.. جمادى الاولى ..

شاعر غبي.. ما يعرف الفـن والذوق=يكتب .. "محلك سر" لو يكتب أعوام
يصعد إلى أسفل.. ولا يصعد ل فوق=يـمـشي ورا .. ويـظن يمشي ل قــدام

.. جمادى الأخرى ..

خبيث .. بو وجهين .. ماكر.. ودجال=يعرف ترى من وين هي تؤكل الكتف
شاعر مزاجي الطبع والشعر والحال=لكـن مـحال يحـط نـفـسه على الـرف

.. رجب ..

يكتب عن الإحسـاس من دون ما يحـس =مرهف شعور وشاعر صدق حساس
لو "ع" البحر يزرع بدال الصدف خس=ينبت وتأكل من ثمر خسته النـاس

.. شعبان ..

طيب مع الطيب .. وفي داخله ذيب =شهم وماله في الشهامة من حدود
حبيَب.. لكـن ما يـبي يقــول حـبـيّب=يا ليـن ينـخر قـلبه وعـظمه الدود

.. رمضان ..

يأسر قلوب ... ويسبي قلوب وقلوب=كل بشـعـره ذاب .. صـادق وكـــذاب
يجبـرك دايم في وسـط حـرفه تـذوب=لو كنت تملك في الهوى قوة أعصاب

.. شوال ..

يرمي حروفه على كف عفريـت =يـوزن كـلامـه قـبـل يــوزن قــصـيـده
إن كنت غابه صار لك عود كبريت =وان كنت حلوى ,, صار قبلك عصيده

.. ذو القعدة ..

لا تـأمــن حـروفه ولـو شاركك هم =احذر تحطه بين قلبك وعينك
لو هو عسل شعره ترى بداخله سم =مهـما تـظاهـر لك بأنه رهينك

.. ذو الحجة ..

يستاهل أن يكون شاعر لياليـك =كـله مــحـبـه لـك .. وكـله مـــشـاعــر
يغليك لو ما كان لك من أهاليك =شاعر.. ومعك يصير عن ألف شاعر

العناااا