أكبر انواع المصايب

شعراء النظم ما عاد لهم شوفة!!!! بنعطيكم من هذا الهليل معنا عساهم يعودون

قالو الديرة بها الامطار والجو العليل=والمناظر من يشاهدها بعينه تسحره
الجبل يختال فوق الغيم والوادي يسيل=والهوى يلعب على خضر الغصون المثمرة
قلت انا عيني تراها من عمى الالوان ليل=أحمره مثل ازرقه مثل اصفره مثل اخضره
يوم حزّمت الحقايب واقترب وقت الرحيل=والله اني ما بغيت اقص كرت التذكرة
ليش لا منّه نزل في وسط وادينا نزيل=ليش نلعب له مثل عبله وكنه عنتره
أكبر انواع المصايب يوم تقتل لك قتيل=دون ذنب ودون حرب ودون ثارٍ تثأره
واكبر من اكبر مصيبة جرح في القلب العليل=يوم يوخذ لك حبيبٍ طول عمرك تسبره

خالد العمري