تبدل الوجه الحسن وجه سعلي

لا واهني اللي الى غمض ينام=ما للسنين الماضية فيه فعلي
وآنا لا جيت آنام تنصك الانسام=والى بلعت الريق ما ينبلع لي
أون من شدة جروحي والآلام=واخشى من النقاد لا يستمع لي
أحمّل احلامي على ظهور الاوهام=واقول يا حظ اشتريلي وبعلي
وآآطى على شح الليالي بالاقدام=وابرّك القعدان صفرن وشعلي
واقدّم التالين وارز الاقزام=واقول عاش الذيب لو كان ثعلي
يمكن على الله يثمر الطيب قدام=والعمر ولّى والثمر ما طلعلي
يوم اكسفت شمسي وشحّن الايام=تبدل الوجه الحسن وجه سعلي
تفرقوا لصحاب بعد التليّام=لحدن نشد عني ولا احدن فزعلي
حتى الهنوف اللي تجيني فالاحلام=صارت تقُل لا يمكن اخون ب ع ل ي