هــوى النــفس!!

أنا ماقسيت العام ولاّ امـس ولاّ اليـوم
ولكن طباعي طبعها صِدق لإعجابـي!

هَوى النفس تحتاجه نفوس الحبايب دوم
وروحي هواها دوووم يتبع غلا أحبابي

أمد الغلا وأكتب لجل خاطري مقسـوم
وأعيد المسافه بين لاجيـت وغيابـي

إذا(ن)النتيجه سجلـت بيننـا معـدوم
أسجل بتاريـخ الزيـارات ترحابـي!

انا ياوليفي دمت في داخلـي ملـزووم
أجاريك بالحسنـىَ وتاتـي لمتعابـي

أحبك وله وأشتاق لك والعلـوم علـوم
وفي خاطري لك كل شي(ن)بمرقابـي

عليها المحبه لوم لو سجلـت مظلـوم
وتبقي غلا قلبي وروحـي وأعصابـي

تدلل وآمر وعلم إني بك أنفي الشـوم
وفي داخلي كُلـك معالمـك تنسابـي

هويتك محبه خالصـه دايمـه وتـدوم
ولاني على بعض التوافيق لك رابـي

أعزك مساحه داخلي لك فقط بالـزوم
ولا غيرك احد(ن)م البشر حل يهوابي

إذا(ن)الحقيقه سجلت مستحيـل الكـوم
اسجل بك الذكرى وتبقى بك أتعابـي!

نقشت الحروف بداخلي لجل حُبك يوم
وطبع المشاعر ياتي إعجابها إعجابي

أتمنى أن تروق وترتقي لمشاعركم جميعاً
المسكت