" خيمـــة الحــكيمـ "

مانيب مقطوع الرجاء لي تغوت
ولا راجيآ غيرة ولانيب خايـف
واللي على صكات بقعاء تقـوت
قدهي تشوف إن الثقيلة خفايف
عندي لها غير المصوت مصوت
ليا كلحت لنياب فوق الشفايـف
تومي بها صملاتنا ليـا تنـوت
عاداتنـا مانحتـزم بالحسايـف
نعرف نحل حبالها ليـا تلـوت
ونقودها قود الرسن للعسايـف
أقول بأن ذا الشايب ما له حل ..

سبحان من يعطي وياخذ هذا الشاعر يقول الشعر وكأنه يسولف
ولا يتكلف في المفردة ولا شيء ولكن كما قيل السهل الممتنع ..
أحرص على متابعة مايكتب عن هذا الشاعر
لأني أرى بأنه أشعر من سارت قدماه على الجزيره في وقتنا الحالي ..
ولو تغير معناه للشيطان بدال الأيام كان تغير رتم القصيده
أرى كذا وأنت أدرى في كل الأحوال