oOo كـيــكـة الـتــمـــر ~ عـلــىآ طـريــقـــتـــي oOo

مسساء الخير للجميع .. كحكح من زمان عن قسم المطبخ < طلع غبار .. اليوم سويتلكم كيكه بالتمر بطريقتي , حلوه و عجبت الكلّ و قلت لازم كمان اعطيكم عشن تجربوها و ان شاالله كمان تعجبكم و تشرفكم .. أوّل حاجه نبدى بالمقادير : تقريبا كاستين و نص الى ثلاث كاسات مويه .. مقدار كاسة تمر منزوع النوى .. نص كاسة زيت .. كاسه و نص سكّر .. 2 ملعقتين كبيره بيكنق باودر .. كاستين دقيق فاخر .. ملعقه مسطحه قرفه مطحونه .. الطريقه .. ناخذ الثلاث كاسات مويه و نحطها في قدر و ع النار .. و نحط معاها كاسة التمر .. الين تغلي المويه و يذوب التمر شويه .. بعد كذا ناخذ منه مقدار كاستين ( يكون فيها موية التمر و قطع تمر لسى ما ذابت كمان حطوها .. ) في الخلاط .. و نحط عليها السكر و الزيت .. و نخلط الين يمتزج .. ( طبعا تلاحظو ان الخلطه ما فيها بيض .. ما يحتاج بيض و انا اسويها بدون بيض و تطلع روعه ) .. المهم اذا امتزجت نحطها في زبديّه كبيره و نحط عليها البيكنق باودر و القرفه و نحرك بالمضرب اليدوي ( الويسك ) شوي بس .. بعدين نحط الدقيق و نحرك كويس بالمضرب حتى يصير خليط كيك كثيف .. ندهن صينية الفرن بالزيت و نحط الخليط فيها .. و نرش عليها بسكوت مطحون .. و ندخلها الفرن ثلث الى نص ساعه حتى تستوي و نحمرها من فوق .. نقطعها و نقدمها مع القهوه لذيذه جدا و الف هني و عافيه على قلوبكم يا رب ..