عقب البطا جانـي يقـول الغـلا زاد...اثره صحيح الحـب الاول مصيبـه!!

العز بالله.. والرجـاوي.. بـالأولاد
والعبد بأمـر الله.. نصيبـه يصيبـه
اهب يا حـظ البنـادم.. ليـا جـاد
لامن تمنـى شـي.. حظّـه يجيبـه
احدٍ حياته.. كلهـا اعيـاد فاعيـاد
من يوم فتّح.. والهنـا فـي حليبـه
ما عابل الدنيـا.. ولا لقمـة الـزاد
والحاجه العسـره.. تجيلـه قريبـه
تبني له الدنيا.. وهو قاعـد امجـاد
وكلِ يقول فلان ..يـا طيـب طيبـه
واحدِ قضى عمره.. من إجهاد فإجهاد
وكثر المصايب ..عجلت في مشيبـه
ما ناش من وقته.. سوى. بن وقناد
والهيّنه.. تصبـح بوجهـه صعيبـه
يفعل. ولا يذخر .فلا شك.. ما فـاد
لا ينذكـر طيبـه.. ولاحـدِ دريبـه
البارحه من واد . في واد . فـي واد
لله در الـحـب.. والله حسـيـبـه
بين الخيال و واقعي.. شـدّ وعنـاد
مابين صدق.. وبيـن شـكِ وريبـه
عقب البطا جانـي يقـول الغـلا زاد
اثره صحيح الحـب الاول مصيبـه!!
معقول ياجمل حلم بالعمر تنعـاد؟!!
عندي سؤال.. و لازم انـك تجيبـه
أستحلفك بالله.. راجع لي ضمـاد؟!
يا راعي الجرح الاخيـر وطبيبـه؟؟
او جازلك جرحي؟! وناويلـك جـداد
لا تلومني!! ..جيّتك هـذي غريبـه
!!قال انت ناسي إن حظك ليا جـاد؟
مهما تمنـى شـي حظـك يجيبـه
قلت العفـو .. والعـز بالله ليـا راد
والعبـد بأمـر الله نصيبـه يصيبـه