لي فترتن والشعر في خاطري مصفود

القيتها في زواج سعود بن عائض بن بديع الحارثي بتاريخ 27 /11//1431هـ

لي فترة(ن) والشعر في خاطري مصفود= يبي الجزله اللي تدحن القلب واظلوعه
انا لا غمرني هاجســـي كنه البارود=يثُور خفايا القلب ويزداد فـــي لوعه
بدايت نظومي ذكري الواحد المعبود=اساله في الجنه وفي الستر والطوعه
سلامي على محمد رسول الله المحمود=عليه افضل تحيه والتساليم مجموعه
تذاكر بــــها الالسن من المهد للحود= بـــذكره تطمن صاحب الظيم واجزوعه
وسلام(ن)نباهي به على والدي حمود= كلامه يقدا بـــه في الحق واشروعه
وسلامي على اللي ينصرالحق والمضهود= ملوك السعود اللي لهم قدر ومطوعه
جبال المراجل من تسلق بــها بيسود=ورجال الشدايد يوم هالحرب مدفوعه
اهل القنا ء والرمح والقاطع والمجرود= عسى الله يثبتهم على الدين وشروعه
وسلامي على وجه(ن) تزين به الضمود=منار التسامح واطيب الطيب واسنوعه
خالي عوض لا من جـــات الليالي سود= يضوي عتيمن غط في الكون باهلوعه
وسلامي على ربعي هل المنطق المحمود= بيارق شرف واعلامهم دوم مرفوعه
هل الموقف السامي هل الموقف المشهود=وجيه الجبله مركز الجود وافروعه
وشعرن ذكرته في المحافل بقى مصفود=عصمته من الهزله ولا فيه مرقوعه
ونظمت القوافي بدون ون(ن) ولا مجهود=ونجمي بدا والــكل ما يجحد اطلوعه
وقابلت لي العذال وقابلت لي الحسود=وتعليت المنابر يغدق الشعر ينبوعه
ويا باحث السدود لا تبحث السدود=خلف السدود الهول والليل والروعه
انا ميد ناس(ن)تشري النقص معه الزود=ورجال(ن)معه وجهين لاترجي نفوعه
انا ا قول لو بدُيت بالقول جبت اعدود=ولا لي مع الشمات مجلاس وافزوعه
اساير سديد الراي واجنب المنقود=واجنب رجال(ن) دايم الدوم مخضوعه
وتجنبت ناس(ن)فكرها دايم(ن) محدود= نوايا خبيثه مثلت الذل واشيوعه
تحرك كما الاغصان لاهب ريح ونود=وتهرج في الاصغاء ولاهيب مسموعه
وتزهى بيوت الشعر فيها النفل والعود=تقلط لعائض راعي الطيب واسنوعه
وازف التحيه مباركين بـــزواج سعود= سعود ابن عائض ثمًر الله بزروعه
وتمت وصلى الله على الهاشمي المحمود=شفيع البشر في محشر الهول والروعه
واثني الصلاه اعداد مـــا صلوا الوفود= وعدد من تطوع في قيامه وفي ركوعه

الشاعر عائض حمود مفلح الحارثي(بيشه)

[/QUOTE]