حبيبتي تحفه

للعيد هدية ولمنتدى بني عمرو هذه الهدية المتواضعة ..

حبيبتي تحفه من أغلا الوهايب
فــريدة بالحُـسن ربي عطاها

فــيها الحــلى ياناس ذايب ورايب
وزهر الخجل واحساس ورده كساها

فيها حُــسن فارس بلاد العجايب
وشامي دلال وغي مصر وحلاها

فيها شموخ أهل الجنوب وصلايب
وغرور نجد وعز نفس وغناها

فيها جمال الكون شرق وغرايب
وهـيبة ملوك كبر الله حماها

أحــبها حــب الأهــل والــقرايب
حــب ســكني بالغــــلا من غلاها

في قربها طابت جروح(ن) عطايب
وغاب الحزن والنفس عاشت هناها

مرت تلـم الــــورد والـــــورد ذايب
ســـاح وتنثر حـــين لامــــس يداهــا

أنفاســها عـــطرمن أزكى الأطـايب

تفوح قبل اتشــوفها من شذاها

اسرجـــت فيها الفــكر مـشي وركايب
وحرف (ن) تنفــس بالموده هواها

مقـــيالها بين الــرمــوش وهــــدايب
ومرباعـــها وســـط العروق بدماها

اســــتعمرت قلـــبي بلــــــيا ضــرايب
وحلت بروح (ن) ما تمنى سواها

ارجي لقــــــاها لكن الحــظ خايب
عــجزت اقرب بين حــظي ولقــاها

شوقي لها شوق العطش للسحايب
وشوق الصحاري للمطر من ضماها

هــذي هــدية عــيد لأغلا الحبايب
أبيات شـــعر مــا ندم من قــــراها

... بقلمي ...

... لا حلل الله ولا سامح من نقلها ونسبها لنفسه ....