اعترف لي بالمحبة قبل فيك آجيب عيد ... ثم اثور من الغلا اللي لك بقلبي واقتلك

ياحبيبي لاتعاند وش لك بطبع العنيد=
واعترف واشهر لناسك بإن حبي مشغللك

لاتكابر وانت تدري انك وسط عيني فريد=
ولاتخلي كبرتك عن بوح حبك تعقلك

لاتقول ان كبرياءك في الهوى ممكن يبيد=
واحذر احذر كبرياءك لا تفاقم يخذلك

ايه أحبك واعترفلك والمحبة لك تزيد=
ياكبيرٍ وسط صدري والصدر ماستثقلك

انت مبعد ليه مبعد ياقريب ويابعيد=
يابعيدٍ عالعيون وياقريبٍ منزلك

ودي آعتِبْك لكنّ المَعاتَب مايفيد=
وكيف ابقوى آعاتب و حكيَ المعاتب يزعلك

والله ان مجرى غلاتك من وريدٍ في وريد
شف عروقي تحفظك فيها وقلبي يحملك=

آآه احبك ياحبيبي بس وش جهد القصيد=
عاجزٍ يوصف لقلبك كم بقلبي لك ولك

وانت عارف ياحبيبي بإنك بقلبي وحيد=
لوعجز شعري عن الي في الحنايا يوصلك

اعترفلي بالمحبة قبل فيك آجيب عيد=
ثم اثور من الغلا الي لك بقلبي واقتلك

بقلم / جبرني الوقت
( محمد آل مريع )