قدر الانســـــــــــان

[poet font="Simplified Arabic,4,white,normal,normal" bkcolor="purple" bkimage="" border="groove,10,darkred" type=0 line=200% align=center use=ex length=0 char="4" num="0,black" filter=""]
في نضرتك كيف انتهى قدر الانسان = والشمس ودي لو تدور وتجينا
الارض وجه الناس والخد بستان=والغيم يمطر من حنانه علينا
لك نضره ياصاحبي تجرح اعيان=تشعل لهيب الحزن بين الحنينا
بذمتك لنسان في عينك انهان=قلبك حجر ولا القسى فيك دينا
تدمي جروح القلب وتقول ولهان=مسكين مالك بالمشاعر يقينا
الا الكرامه مالها عندي احسان=خل العذر بينك وبين الونينـــــا
وش لي بحبٍ يلفض الروح خوان=يكفي عذاب قد مضت به سنينا
كنت احسب ان الهم في قسوته لان=وحنا على الهم القديم ارتكينا
وكنت احسب ان الفرح في قربنا حان=وحتى على درب المسافر غدينا
حتى جرحنا الليل في بوح خلان=وحتى قتلنا الصبح يوم اشتكينا
الهم دارٍ والمجاريح سكان=والشـــعر غيثٍ بالرضـــا يحتـــوينا
عفوا ترى للحب في قلبي اركان=لو ينتثر دمعــى رفعت الجبينا
ما ينتهى قدري ولو كنت خسران=حنا بشــر مهما اصبنا خطينا

[/poet]

تحياتي لكم جميعا
المسكت