ريمـــــــــــــاز ..

ريماز الصغيرة لها مكانة خاصة وخرجت لها الأبيات على قد شغلاتها وحملت بعض الكلمات الفاظها الخاصة بها ..
اقبلوها كما كانت ..

ريماز يا زينها حلوة وقمورة = فيها دلال الطفولة هيك حنـّونة
يالله عساه الزمن يبعدك عن جوره = باقي صغيرة فداك الكون وزيونه
وإن كان تزعل عليـّه قلت معذورة = بابا يقول أبشري ورضاك بعيونه
أحيان تقلب وتصبح بنت مقذورة = إن سبت تقول ياكبه ومعلونه
إن قلت عيبٍ عليك تغير الصورة = وتقول بابا أنا باقي صعنونة
وأحيان مثل الولد وتلاعب الكورة = وتحوس كل اللعب وتجيب بلونة
فيها شعاع القمر قد بان من نوره = والقلب فيها أنشرح ودي تهنونه