صديقة احلامي

اليوم ميلادك .. وميلاد الاحلام
يخضع له التاريخ غصب ويقف له



في مثل هذا اليوم من قبل كم عام
جيتي .. وجا للحب من ينتصف له



يالواقع اللي بعدك ان شفت الاوهام
وقفت في وجه الزمان اعترف له:



اني كثر ماشفت من وقتي الالام
وكثر الدموع اللي بقت تنذرف له



ماكنت احسب الحظ حتى ولو قام
يجيب لي مفتاح عمري وقفله



ويجيب وجهٍ كل ماجيت ابـنام
قمت ارسمه في دفتري واحلف له :



اني ماحبيت الدفاتر والاقلام
الا عشان آخط حرفك واقف له



صديقة احلامي لو العمر مادام
لي الشرف عشته معك والشرف له



بكره اذا قالوا لك الناس " كل عام ..
وانتي بخير" .. بتلمحيني بـ غفله




انا وقلبي .. بأول الصف قدام
نشعل لقلبك شمعته .. ونهتف له



لو سوو الحفلات لاعياد الايام
انتي .. لكل اعياد الايام حفله



ولو تكبرين اعوام واعوام واعوام
في عيني وقلبي .. بتبقين (طفله)