((إحســـــــــــــاس وجداني))

عرفنا ماعرفنا وش هو المحبوك بالكتبان=نسجنا بالخيال إحروف تاصل كل الاوطاني
جلسنا نسهر الغربه ونتسمر مـع الشيبـان=ونروي قصه المظلوم في موته من الجاني
شربنا مُر هالدنيا فرحنا صارلـه عـدوان=بنينا بالسعد فرحه وتـال العمـر هدمانـي
نبي نرقى نبي نكبر وكل العمر شاب وشان=نبدل فرحه الماضي بشكل افراح حرمانـي
ولا باليد حيله كلنا نهـرج علـى البيبـان=نّسمع صوتنا المبحوح صهيوني وعلمانـي
وقفنا بالزمن وقفه نسينـا الديـن والقـرأن=جزانا جابه الباري وهمسي عقـد إلسانـي
تعالو نتجمع لحظه تعالو نـوزن الاركـان=بشرط ان الوفي وافي وكل خسران خسراني
تعالو وقفه الصامت تسطر بالوجود اشجـان=الى منا اتفقنا لعنبو مـن يخسـر الثانـي
حظرنا مجلس الامه وشفنا كل شئ(ن) شان=ولابه شئ يفرحنا ولا حتى السعـد جانـي
بنينا بالخيال إعلوم تتكفـن لهـا الاكفـان=ولكن وين تنفيذ العلـوم اللـي تهقوانـي
حكينا ما تركنا هم في طفل(ن)نحره إيبـان=عرب حنا ولكن داخل العربـان كتمانـي
حرام انا نشوف الحق يرحل في نظر لعيان=وحرام انا على انفسنا نعزي واحد(ن) ثاني
يدور الوقت في صده وحنا تنتحر لشجـان=أبي أضحك أبي أفرح وذاك الدم غطانـي
الآ يالله طلبتك يامقـدر كـل ذي لكـوان=تشيل الشرذمه مالمجتمع ويعيش حُرانـي
يديك مكبله ياسيدي وانت تعتـزي بلسـان=ولوهرجي بيفعل شئ ترى يامطول إلساني
انا اشوف الزمـان إدور ونعشـق عيشـه الخبـلان=على ما قد مضـى فينـي سهـوم المـوت تهوانـي
تمنينـا ترجينـا نطقـنـا والحـصـان إحـصـان=ولا نكـذب إذا قلنـا نعـرف الـكـذب هجـرانـي
انا لامن نظـرت البيـت والكعبـه ذكـرت إنسـان=رسـول(ن) عارفينـه مـن عهـود إجـدود جدانـي
توضينـا وصليـنـا وسلمـنـا عـلـى البـرهـان=نشف ريق العروق أبداخلـى واحـرق لـي إلسانـي
على كثر الدموع وصيحـه الصايـح مـن الشيطـان=وعلـى كثـر القهـر والهـم اعمـانـي ولهـانـي
انا يوم اعتزي ماغير ربي عزوتي في كل شئ كان=اببـدى بسـم خالقنـا بـرجـم لـكـل شيطـانـي
حسافـه كـل هالعالـم تطـاوع منهـو الغلـطـان=من اولهـم الـى اخرهـم وابوهـم كوفـي أعنانـي
رحلنـا بالزمـان الصعـب ونتلطـم بهالـجـدران=تصـدع راسـي وراسـك ولابـه حـي والاانــي
ابنظر نظـره الصـادق وابكتـب علهـوى ندمـان=من اوضاع العـرب دايـم اكـون انسـان حيرانـي