قصيدة الشاعر سعيد بن ذياب العمري ..أمام النائب الثاني ..

هذه القصيدة القيت في حفل العشاء الذي أقامة صاحب السمو الملكي الأمير سلطان بن عبدالعزيز النائب الثاني لرئيس مجلس الوزراء ووزير الدفاع والمفتش العام في قصره بالقرعاء لأهالي عسير

.

والقصيدة تعبر عن هاجس كل شاعر عطرها صدق المشاعر وجمالها بهاء الإنجاز وشعارها كلنا فهد و عبدالله و سلطان وكلنا امن الوطن للشاعر المبدع الأستاذ / سعيد بن ذياب العمري

وجهة نظر من عسير

طبعنا حب الوطن ما نحسبه ورث الكلاله = إلا إرث الدين عشق أمجاد وامر الدين عالي
والعلـم لاخضر يرفـرف ونتفيّا في ظلاله = ســيف وتوحيد والنخلة لنا ريف وظـلال
شرعنا شرع الهدى يولدٍ هلاله من هلاله = له رعاة وله شــيوخ وله منابر للمـقال
يا شــباب الأمة إعتصموا بالرب وجلاله = رب واحد دين واحد منهجٍ حـقٍ مــثالي
ليه أدمـّر كل جسرٍ للتواصل و الأصـاله = والتفاهم فيه مليـون الإجابات لســؤالي
ليه أنا أسلك مسلك مظلم ومحصور مجاله = واصطدم بالواقع اللي ما تخيلته قبالي
ليه أنمّي التفرقة وازرع شتات أجني وباله= ليه أخالف سنة الهادي وامَر رب الجلال
ليه أنا أبصم بالعشر للي حكى شر المقاله = بان ديني دين إرهاب او تشرذم او قتال
ليه أصدّق له على كذبه وحقده واتكــاله = بان في شعبي مهابيلٍ يحبون الضـلال
ليه أنا أوصد كل بابٍ وانتهج نهج الضلاله = وكلها أبواب الحوار مشرّعة للي يسال
من فهد لا عند عبدالله لبو خالد ســهاله = سمّ واتكلم وناقشهم وبالحسنى الجـدال
عيب والله عيب يا عيـباه من فعل الفلاله = كيف نتعدّا حدود الله للأمر الوبــــال
عيب لاصبح كل واحد يصدر الفتوى لحاله = عيب لاصبح هيكل الأمة تجاريح وهزال
ليه ولمـاذا وليه إلا وطــنّا ألف لا لـه = دون أمنك ياوطن نُحرق شموعٍ لك تلالي
دارنا يا دارنا باعمـارنا فدوة فدالــــه = ما نحيف ولا نصيف اللي يصيف في الدحال
مؤمنينٍ أمنينٍ ضامنين أمر الرســـاله = عازمينٍ جازمينٍ موًّحًدين بلا إنفصــال
يا سماسره الحكي كثر الحكي ما به مطاله = بيعنا أول كلام آخــر كــلام الله والي
للإمام السمع والطاعة وحبه والرضـاله = في المناشط والمكاره لو خذ أموالك ومالي
للإمام العهد يلزمنا على أيّات حــــاله = معه في صد الحريب ومعه في حب الموالي
معه نبني المجد في نشوة الى حد الثـماله = معه نتعلا على هام النواميس العـــلالي
ننصره ما نخذله ونكـون يمناه وشــماله = نصدقه منا النصيحة ندعمه في كل حــال
وأيضا للأمة على الوالي الرعاية والعداله = والحماية من سوى حسن الوصاية راس مال
والنهوض بمستوى الأمة الى أعلى مستوى له = والحفاظ على مكاسبها وتحقيق الآمـال
له حصافة رأي له منهج سياسي له دلالـه = يخدم الأمة ويرويها وصالٍ واتصـــال
تكسب الأمة بطاقات المعالي من خلاله = الإمام ابن الإمام اللي عسى سنينه طوال
فهدنا زيزومنا قيدومنا صــدق الولا له = بالرضــا بالحب والبيعة عهودٍ وامتـثال
ولولي عهده يمينه في حلوله وارتحـاله = عاقلٍ متعقلٍ موزون لو مـــال العـقال
ولحبيب الشعب سلطان الندى سقنا الوفاله = طلته عيد وفي لقياه نور السـعد فـــال
كلنا فهدٍ وعبدالله وســـلطان إنتوا لــه = وإنتوا لي بالعهود الأولات مع التــوالي
كان ما صدّقتني شف خالد الفيصل وسـاله = وش يرانا لانقلب حال من الدنيا بحال

الأستاذ / سعيد بن ذياب العمري