يا صاحبي بأكشف لك السر

يا صاحبي بأكشف لك السر وأبـــديه= والسر والله ما لغيرك بديــــــــــته
سرٍ على ماقيل صعبه معانـــــــــــيه = وأصعب من اللي في عيوني قريـــــته
فإن كان مثلي لو تعثر تقـــــــــــديه = فأرجوك وصّلني لدربٍ نويــــــــــته
دربٍ على ما قالوا أفكر أســـــــريه = ولا تقول إني من أول ســريـــــــــته
وأنا نويت أسير وأعاند وجـــــــــيه = حتى لو أخسر فجأة ما حويـــــــــته
صحيح كنت أول من أعطاني أعطـيه = وأرضيه حتى لو حصل ما عطيــــــته
وصحيح بعض اللي في الخاطر أخفيه = واللي في الماضي تولّى طويــــــــــــته
لكن بعض أحيان ما عاد يمـــــــديه = يظهر مع هرجٍي إذا ما حكــيــــــته
والقلب لو طاوع نوايا معــــــــــاديه = صابت شرايينه دواعي ممــــــيـــــته
أضحك ولكن خاطري فيه ما فـــــيه = يزراني الصاحب وأنا ما زريـــــــــته
ساهر طوال الليل والهم أصالـــــــيه = وأصبر ولو بعض الصبر ما قويــــــــته
والصاحب المقصود ماني مـســــمـيه = أخاف ينصاني وأنا ما نصـيــــــــــته