فيليه الدجاج بالبشاميل والجبن..

السلام عليكم ورحمة الله وبركاته
ونبدا بالخطوات المصوره

اول شي قطعي الفيليه ونظفيه
وجهزي التتبيله اللي هي ثوم بودره وملح وفلفل اسود
وفلفل احمر وبهارات بيتزا ( اوريقانو وزعتر وريحان }
وخل مثل ماتشوفون

غطي قطع الفيليه بالتوابل بالكامل وتقدريت تتبلين كميه
وتفرزنينها ووقت الحاجه تطلعينها تذوب وتصلحينها على طول
وهذا شكلها متبله

بعد ها اقليها في زيت خفيف بهالشكل

واثناء القلي جهزي البشامل اللي هو
ثلاث ملاعق زبـده على النار وبعد ماتذوب احط لها ملعقة دقيق
واحركها واضيف لها كاس مويه مغليه مع ملعقتين جبن سايل
وشوي ملح وفلفل اسود وحركيها بسرعه لين تثقل
وضيفي لها المشروم الكميه اللي تبين وطفي النار
واعصري عليها شوي ليمون
واول ماتجهز قطع الفيليه وهي حاره صبي عليها
البشاميل وزينيها بالبقدونس بهالشكل

ملاحظه : القلي على خفيف لاتطولين مدة القلي عشان ماتنشف
وتيبس معك وبتستوي بسرعه ان شاء الله لانها رقيقه وفيها خل

وصحتين على قلوبكم