ســـيـــــد الموقــــــــــــف

وش فيك تجهل غلاتك يا معنّيني=
ما كنك بقدرك وقدر الغلا تعرف
اشوفك اليوم ما تسأل وتطريني=
واراك بالوعد ما توفي وبه تخلف
ودّي اعاتبك بس اخشى تخطّيني=
لكِنّ بآآآظلّ ساكت يا عسى تعطف
علّك تجيني مع الايام تلفيني=
تروي ضمى عين لك تلهث وتتلهف
لو بوصف الشوق ما به وقت يمديني=
والله ربي بقلبي شاهد ومشرف
اهواك يا مهجتي يافرحة سنيني=
وعروق قلبي بصوت الحب لك تهتف
ماكنّها الا تقلّك وينك وويني=
عود ترى رايتك ما زالت ترفرف
وكانك مشكّك بحبك يا هو عيني=
فسأل عيوني وكم مالدمع لك تذرف
الله يهديك وانا الله يهديني=
اقولها كل يوم ويالطيف الطف
للشوق جمرٍ وجمر الشوق يشويني=
يلفني كل يوم وكل يوم التف
تعال عوّد ولا شي بينك وبيني=
مافيه لك غير قلبٍ بالهوى يرجف
ومدام ناوي على الفرقا ومجفيني=
فان جيت يبقى الغلا لك سيّد الموقف

بقلم / جبرني الوقت ...
( محمد آل مريع )