((تحذيـر))

تقبلوا قصيدتي هذه فهي مليئة بالأخطاء .....القصيدة نبطية..ولكم التقدير.


لاباس ياللي تمتحني ولاباس
اكيد قصدك تنهي ايام عمري
.
ماشفت انا مثيل عندك في الاجناس
خذيت محصولي وغلقت تمري
.
احساس لكنه طلع دون الاحساس
واصبحت محزوناً وسلّمت امري
.
يا هيه ياللي قد نصبتك على الراس
ما وادي اسمع منك غش وغدري
.
تلف لي وتدور وتكتب بكراس
يا كثر مادونت لي وانا ما ادري
.
واصبحت مثل الجاني اللي بحراس
اعد ساعات الليالي .....وقدري
.
يامن يوّنس خاطري اليوم ونّاس
أرجاك تقبلها ظروفي وعذري
.
دقت حياتي كلها لي بالاجراس
تحذير واحذر ها المنايا وتجري
.
اعدها النجمات والليل عساس
يامن يعس الليل مثلي ويسري
.
صافحتها من بعد والكف منحاس
واتخيّل الموقف ولا فاد صبري
.
مسكين من غشه زمانه وله داس
وابكى عيونه والمخاليق تطري
.
شاعر واشوف الشعر يجلب لي اتعاس
من جولته قد ضاق قلبي وصدري.