رحلة إلى حيث كانت طفولتنا ,,,

اولاً : اشكر الأخ جبرني الوقت على هذا الموضوع الراقي
فبارك الله فيه , وبصراحه يقدم مواضيع حواريه جميله تفيدنا في استكشاف شخصيات جديده متميزه في حياتها . ويشرفنا ان نتعرف عليها لأنها نموذج رائع .

ثانياً : الشكر موصول كذلك للأخت ذات الشان على اختيارها لي بارك الله فيها واصلح لها ذريتها .

ثالثاً : ليعذرني الجميع ان كان هناك نقص .

"بسم الله نبداء "


*المحطة الأولى :


أوصف طفولتك بجُملةٍ وآحدة ..!

غريبة الأطوار تحتويها البراءة والروعة والجمال والذكريات التي لاتنسى .

*المحطة الثآآنية :


مآ هو أجمل موقف أو أجمل ذكرى تتذكرها من طفولتك ؟

جميعها جميلة بآختصار .

*المحطة الثآلثة :


مآ هو أصعب أو أحزن موقف مر عليك في طفولتك ؟

تعرض والدي لحادث مروري , جبرنا بعد ذلك للأنتقال للرياض وكانت اسوء مرحله في حياتي لتعلقي الشديد بوالدي , وكنت حينها في الصف الثالث الأبتدائي , مما اثر على مستوايه التعليمي والنفسي , لكنه زال لله الحمد الحزن والتأثر النفسي حينما تعافى والدي وعادت حياتي كما كانت وافضل .

*المحطة الرآبعة :

مآ هي أجمل هدية تلقيتهآآ في طفولتك ولم تنسسآهآ لليوم ؟

ان شاء الله مايشوف هذا الرد ابو ريان ؟!
كانت اجمل هدية سيكل جميع الألوان فيه , في الصف الثاني الأبتدائي . قسم بالله فرحته وقتها كأنه بانوراما اعطاني اياها ابويه في وقتنا الحالي لكن مراحل الطقولة نفرح بأي شيء . (يوم كان للهدية طعم ونكهة خاصه اما الآن فالله المستعان !!)


*المحطة الخآمسة :


هل هنآآك إنسآن معين كرهته في طفولتك ؟ ولمآآذآ ؟

كرهت اثنين من المدرسين , بس الحين والله اني احترمهم اذا قابلتهم , فكانوا لا يعرفون للرحمه ولا للرأفه مكان من الأعراب , فكان واحد يضربنا في البرد بسلك المدفئه (طبعاً المكيفات جابوها لمدارس الديره في سادس ابتدائي وما كان فيه في البرد الا المدفئه ) وفي الشتاء الطارف يسد .. والثاني كان مره قزم وكنا الطلاب اطول منه , لكن كان الله يسامحه متأثر بالعصي الطويله والأسلاك الطويله يعني اي شيء عكسه . وكان يضربنا بعصى المكنسه لدرجة ان يدي اليمنى ماقدرت اكتب بها اسبوع . لكن الله يسامحهم جميعاً من عندي ..

*المحطة السآدسة :

مآ هي أصعب مره انطقيت فيهآآ ولآ زآلت محفورة في ذآآكرتك وسبب الطق وش كآآن ؟

طبعاً كنت متأثر بالمدخنين وقلت خلني اجرب وياليت التجربه كانت في عقلها لكن شوفوا كيف كانت ؟!
كان وقتها مطر وبرد وكت برا في المشب وكانت النار مشتعله , المهم اني لحالي في المشب وابوي ماهو موجود والوالده في البيت قمت اخذت بقايا سجاير ورق كرتون والفه واسويه مثل السيجاره , واحددها بالقلم على المقاس وحطيت واحده من اللي سويت في النار يعني ولعتها وماعجبني الحال وشوي الا وامي تناديني !!
قمت مستعجل وخليت الفضايح وانشغلت ثم قالت رح ذاكر , المهم ابوي رجع وقتها كان المغرب وخش المشب , الله لايوريكم طبعاً انا الوحيد مافيه الا انا . جاء عندي وربي ماانسى هذه اللحظه حتى الموت وكانت يديه اثنيتن ورى ظهره طوالي فهمت , وقال يوسف انت خلاص تبغى تسربت من الحين يعني ماعندك في احد ؟!
حلفت والله يغفر لي لكن على مين .. طبعاً كان (القايش حقه : حزام طبعاً محتفظ به مدري من وين جابه مع انه ماهو بعسكري ) كانت فصله لي الى الحين . وكانت العن مره في حياتي اتعرض فيها للضرب من ابوي وبعدها شياطيني في وادي وانا في وادي .

*المحطة السآبعة :


هل كنت غيور بطفولتك من إخوآآنك وتحس فيه تمييز بينك وبينهم ؟

كنت الوحيد فلم اعرف للغيره مكان في قلبي ولا سبيل اليه !!

*المحطة الثآآمنة :


مآ هي أكثر وأفضل لعبة كنت تلعبهآآ وأنت صغير ؟

الكوره , وطش << مدري وش اسمها الحين

*المحطة التآسعة :


هل ستربي أولادك بنفس الطريقة التي تربيت بهآآ في طفولتك ؟

اقطف من كل بستنا ورده , فمن طريقتي الخاصه ورده , ومن طريقة ابوي ورده .

*المحطة العآشرة :

إعرض لنآآ بعض الصور من ذكريآآت طفولتك من : دفآآتر , ألعآآب , رسومآآت ... إلخ ..!

للأسف العاب يفتح الله , دفاتر ورسوما شخبط شخابيط .

* المحطة الحادية عشر


كم فلقة براااااااااااااسك ؟؟وهذه اهم شي .!!

فلقتين وكلها مطارده وبعدها اطيح على بلك << وربي حظي اقشر مع البلك .







كل الشكر لكم واعتذر عن الأطالة..
واختار المراقب : غلا.....ي ..ودمتم