يمـه يـ ليتـك وسط قلبي تويقيـن

يمـه يـ ليتـك وسط قلبي تويقيـن = قوّة شعور ٍ يعجزه وصف الأبيـات
مشتاق أقبـّـل يدك والراس والعين = وأشتقت لهروجك وذيك الحكايات
ست الحبايب دايم الدوم تبقيـن = وسعادتك غايه ومرضاتك أمناااات
مبعد مسافه مار منتم بعيدين = لاماقطعتوا هاجسي بالزيارات
الشوق يصرخ وأكعمـه هيش بعديـن = صبرك علينا ماأنتهينا أمتحانات
يوم انتهينا؟قلت رف الجناحيـن = هات الذي بالقلب ياشوووق لي هات
مبطيـــن؟؟ أي والله عن الدار مبطين = وسهوم قلبي وجهها للقريااات
مشتاق للحاره وشووف الوراعيـن = لو جات منهم في زجاجي حصيوات
مشتاق أجي من بين هاك الدكاكيـن = وأشوف وش متغير ٍ بالبنايااااات
مشتاق لربوع ٍ علينا عزيزيــن = أهل العلوم الطيّـبات الجزيلااات
الله على قعدات هاك البسااتين = فرشك نجيل وظلك من الشجيراات
منهن تدلــّى حالي التوت والتيــن = وصوت السواقي يطرب الكيف نغماات
الله على المكشـات بـ (وريك والعيـن) = أيــّـــوووه لو ترجـع ليال ٍ قديمـات
للدار وأهل الدار بالحيـل شفقيــن = لو هي تعاتبني على طوول غيبـات
يمـّـه بلاش بوسط قلبي تويقيـن = شوفي عيوني شوقهاا هـل عبرااات ِ

بن ظافر
صحت يمينك وعوافي على هذا الأبداع ورونق الأختيار
وحفظ الله لنا امهاتنا وحفظنا لهن ..
ودمت بصحه وعافيه ..
ولك مني المحبه والتقدير ..