إهداء من الشراري إلى الملازم اول سعيد العمري

السلام عليكم ورحمة الله وبركاته
اليوم حصلة لكم قصيده رائعه وحبيت انقلها لكم
اترككم مع القصيده

أسعد الله أوقاتكم بكل خير

قصيده ألقيتها في الحفل التوديعي للملازم أوّل / سعيد بن محمد العمري مدير مكتب جوازات طبرجل بمناسبه نقله لجوازات مدينة الرياض بعد مسيرة عمل إمتدت إلى ثمان سنوات قضاها بين أهله وأخوانه في مدينة طبرجل وهذا أقل مايمكن أن نقدمه له حيث عُرف بمكارم الأخلاق والأخلاص بعمله وحبّه لأهل المنطقه وكنت أتمنى أني أعلم بهذا الحفل مسبقآ حتى أقدّم مايليق بشخصه الكريم ولكن والشاهد الله إني لم أعلم بالحفل إلا بعد الظهر من يوم الحفل والذي أقيم في يوم الأحد الماضي 28/1/1430 هـ

يامنزل القرآن وكتاب الأنجيل=يالواحد المعبود ياذو الجلالي
لي طلبةٍ عندك عساها تساهيل=وإنت الكريم اللي عليك إتكالي
طهّر لي لساني من الزيف والميل=وإجعل لي بقولي سبيل ومجالي
الشعر يخلّد به فعول الرجاجيل=عاده ورثناها قديمٍ وتالي
والليله المحفل كرامه وتجليل=ليلة وفا للي إرتقى بالمعالي
سعيد أبو محمد حكيمٍ وحلحيل=ضابط ضبط كل الأمور الثقالي
من لابتن يوم الملاقى مشاكيل=بني عمرو نعم الأصل والرجالي
أديب ومتواضع وفي عينه تخيل=برقٍ من التقدير نوّه شمالي
سمح المحيّا عادته يوفي الكيل=مايوم فرّق بين عمٍ وخالي
ماله مع التعقيد درب ومواصيل=يقضي لزوم اللي حدته الليالي
وسيرة ثمان سنين تشهد لي القيل=ويشهد لي الشيبان هم والعيالي
والحق أصدح به ولافيه تضليل=واجب عليّه أذكره في مقالي
نودعك ياعلّ دربك تساهيل=وياعلّ تعشب لك وساع المفالي
وطاريك يبقى بيننا جيل عن جيل=نروي فعولك ياكريم السبالي
هذا وأنا من لابتن تِزبن الخيل=عاداتهم رد الوفا للرجالي
تمّت وصلوّا عدّ نبت المحاصيل=على رسولٍ بامره الشك زالي

الشاعر: متعب النصار الشراري

ودمتم سالمين

منقول من : مجالس قبيلة الشرارات