مبنى العاشقين....

ماسمعت بمبنى فخم...
مبنى شامخ.. مبنى ضخم..
اسمه <مبنى العاشقين>
ناس ذوووق
من بعضهم واثقين
تقضي فيه احلى وقتك
أدفى همسك...وأغلى صمتك
مبنى كامل للحبايب.
لاحسود ولاعذول ولانشايب

فيه غرفة (انتظار) خاليه من كل شي
الا ساعة عالجدار...دندنتها عاااالية.
دايم في صراع هي وقلب المنتظر..
غرفة مافيها أريكة للجلوس..
مثل قارب بلا شراع
شي بديهي ؟؟؟
ليه قد سمعت بمنتظر يعرف طعم الجلوس؟؟

وفيه غرفة (للصراحة) تجلس فيها بكل راحة
ويطلق لسانك سراحه ..
ويشكي قلبك كل جراحه...
ماتحس بأي خوف ...بالوسط فيه سلم تطلعه..حبه حبه
مبنى بإخلاص ومحبه..

تلقى أول غرفة فوووق ..
غرفة اتكيت وذوق...
غرفة مختصه (بالشوق)
للحبايب يسهرون...

وفيه غرفة عاليمين ..لا آهات ولا أنين
كلها شوق وحنين ....
حب ....وإحساس ...وشجون...

جنبها غرفة كبيرة..
غرفة جذابة ومثيرة..
ماتلقى لغير الحب سيرة....
هذي غرفة (الجلوس)

وللهروب من متاهات الحياة
والرجوع لماضي فات؟؟
لأحلى وأروع ذكريات..
مالك الا (الاستراحة)
آخر غرفة عاليسار..

وفيه غرفة (للعتاب)للقاء بعد الغياب..
للراحة بعد العذاب...
كلها شوق واعتذار...

آه ياهو مبنى كامل..
آه ياهو مبنى شامل...
آه ياهو مبنى حامل...
كل لحن الامسيات..

أنت وحدك "والا انت وحدك"
أنت عندك خادمين..
الكلامك سامعين...للأوامر طايعين
لاتخاف...اهما شريان ووريد...
لك وحدك...

مبنى دافي ...مبنى راقي
كله احساس وشجون...
مبنى صاحبه شخص وافي..
مخلص وطبعه حنون..
له بوابة كبيرة ...
عندها حارس أمين...
فوقها لوحة مثيرة...كلها حب وحنين
مبنى لايعرف خصام...لا ولايعرف كذب
كله حب واحترام ...

مبنى أغلى من الذهب..
هذا المبنى ..لا يتأجر ولا ينشرى
بس يهدى...لشخص واحد مافيه ثاني

لاتقول اني أناني... هذي قمة التفاني
وهذي هي الأصول...
قال بعض الناس تعبنا...
كلنا عنده هالمبنى ولسكانه
اهدينا حبنا...بس مع الايام...تبنا
ولمفاتيحه سحبنا....وصار هذا البيت خالي..

قلت :أنا عندي نصيحة ...
لازم تحسن الاختيار....وتتأنى في أخذ القرار
ترى النارأولها شرار...وللمحبة طعم حالي
بالنسبة لي ماراح أتوب...لو قلبي من الشوق يذوب
الحب عندي احلى الدروب ..
والحبيب دايم في بالي...

في النهاية أبغى أقول ...
مافي داعي الشرح يطول...
لازم الحيرة تزول... وتعرف المبنى اش يكون
هذا (((القلب اللي فيك ذايب)))

واختياري والله صايب..
اهديه لأغلى وأعز الحبايب..