مظاهر رمضان في الديره أيام زمان

بسم الله وعلى بركه الله

الله يرحم ايام العز والعلم الطيب والاكل الطيب الطبيعي ورغم القله وغياب كل ماهو حاصل هذه الايام الا ان الصحه ولله الحمد 100% اما من جهتي فكانت تنتهي الدراسه فبل رمضان باسبوعين ثم يبدا بعدنا اصحاب الشهادات وهم الكفاءه والثانويه وينتهون بتاريخ 28/8 ويبدا رمضان وسبحان الله من لطف الله بالخلق ذالك الوقت كانت الخرفه تملا الوادي عنب وبرشوم وينا وفركس ، العصريه في الوادي تجيب خرفه تتبرشم وتتينا وتجيب من الحبله عنب وتنفض الفركسه لين يتجمع الفركس تحتها ثم تلقطه في قبلك وعلى البيت ، الافطار تمر من بيشه صفري الحبه تقول حذفه سمن وعاد السمنه ريحتها على بعد كيلو على نار حطب وعجوز ذات خبره والسمنه كلها خلاصه و خبزه المله وتقول صفريه من الحمره وجبه رئيسيه معها حليبه غنم او بقر ، مصفاه في يال الكانون و التطلي وليس كما قال ابو فارس حفظه الله مهلبيه الا ان كان وجودهم بجانب الخط العام يخليهم يقولون مهلبيه ف ما ادري واهم شي يكون ريح الموز عليه كثير السمبوسه ماكنت اعرف شكلها ، السمره في الليل حدها الساعه 10 وبعدها نوم بكره الغنم فيك السحور باقي الخبزه تصبغه في شاهي او عيش وفرقه او صبغه او حقينه ، هذا شي بسيط من ايام العز والصحه والطيبه والعافيه ، وفي اخر رمضان ننام على السقوف ليش نستن المسافرين من الشام اخوان ووالد وايضا اولاد اليماعه اذا جاء واحد منهم كأنه اخوك جاء ، من بكره فيه ذبايح وفيه سمره الى الصبح ما احد من الاهل يقول ارقد يستحون من الضيف وكل يوم عند واحد من اليماعه يلعبون الباصره ، اما نحن اللعب الراحه بعشر والجريده بعشر ، ولعبه الضاع ، واللقطه ، والدسيسا ،

لا يمكن تنسى تلك الايام ولا حلاوتها ايام يحسف عليها

ولك الشكر والتقدير ابوفارس