لا والله الا خذيتي القلب يا ( سارة ) ! ! !

لا والله الا خذيتي القلب يا (سارة)=وانا من اول خلي البال مرتاح ِ
القلب لو مايحبك وشهي اعذاره=والله ما عاد يسمع بك ولاياحي
نوى خفوقي يكَمّـل معْـك مشواره=حتى ولو كان حبك طعن وجراح ِ
قلبي ليا صرّ مايرجع عن اصراره=ويطير لاجل الغلا لو ماله جناح ِ
رغم ان قلبي بحبك تصطلي ناره=مازال صابرْ بسد الحب ماباح ِ
الحب يا اهل الهوى يالعنبو داره=راحت حياة المحب دموع ونياح ِ
القلب ياكثر مايخفي من اسراره=وان صاح مايجدي الصـِّـيْاح من صاح ِ
لاوجاع تجتاحني غارة ورى غارة=حتى غدا الحزن للخفاق مجتاح ِ
الشاهد الله بجوفي مثل سنـّارة=تنزع معاليق جوفي نزع ذبّاح ِ
ياليت لوترحمين الحال يا (سارة)=وتجاوبين الذي ماهوب مرتاح ِ!