ورعااان الهااااي هاي ورعاننا المحترمين

مقارنه بين اطفال الناس الهاي هاي..و ورعانا المحترمين !!

أطفال الناس الهاااااي
.........................

1- في الصباح حيث يبداء يوم اطفال الهاي عندما يستيقظ على صوت

الكناري اللي بغرفته بعدها يتوجه للحمام يتروش ويفرش اسنانه ويطلع

من الحمام تستقبله المربيه بالمنشفه وتصبح عليه يروح يغير ملابسه

وياخذ شنطته وينزل لغرفة الطعام ويصبح على امه وابوه واحلىىىى

بوسه ياخذها منهم ويفطر ذاك الفطور طبعا عباره عن كرون فلكس

ابو الديك ذاك وبيضه وحده بس!! وكاس حليب طبعاً ((نيدو)) وشويت زبده مع العسل

على خبزه ما عمري شفتها.

بعدين يقوم يغسل فمه ويودع الماما والبابا ويتوجه للسياره يلقى قدامه

السواق مبتسم ويفتح له الباب ويوديه لمدرسته الخاصه< ام الدراهم >

................................

ورعاااانا المحترمين

ورعانا يقوم الصبح بعد ما يطلع عيـــــن اهله ولازم افراد العائله الكريمه يمرون عليه

عشان يصحونه وكل واحد وطريقته:

الاب:قم الله ياخذ عمرك يالسربوت.

الأم:قم جعلك الجدري الله يلعن ابوك تأخرت عن المترسه قــــــــــــــــــــم .

الأخ: والله اذا ما تقوم لافقع وجهك يــــــاورع!!

أخته: < تسوي نفسها بتدلعه> يالله قووووم وأعطيك شنطة أخوك تروح فيها

للمدرسه < ما درت انه يروح بسير لزاق >> ((سبته))

بعد ما يقوم يمر الحمام على السريع ويغسل وجه شطف بروس اصابعه عشان مايطير النوم ويكمله في الفصل هذا اذا راح يغسل بعد؟؟!!

وبعدين ياخذ اقرب كتب عنده حتى لو ماهي له اهم شي لايشوفه مدرس العلوم مامعه كتب, ويربطها ويجيك مدحدر يدور الفطور ويتفاجأ

انهم ما حطوه؟؟

بعد ما يجي الفطور وهو كالعاده : فول شكشوكه تميس + حليب ابو علم اذا كانوا متمدنين شوي والا حطوا حليب ابل((ناقه)) !!!

يبدأ الولد بالأكل وشوي الا وهو حاذف أخوه بعلبة الهندسه؟؟؟

عشانه سحب صحن الفول من عنده<مسكين ما يطوله> وشوي الا وهو

مسدد بقس عنيف يمشي 200 لأخوه الثاني!! لأنه سرق فسحته؟؟

أبوه يتكلم معه يا ورع أركد وافطر وعين خير لا ااااطا في بطنك

انت وش بلاك وراك مدرسه عجل امل بطنك واذلف!!

يرد الولد عليه: انت ما تشوف سعيدان سارق فسحتي؟؟

< سعيدان دبي و اكبر سروق بالبيت >> ابوه على طول يصدق ويصـــــــك

سعيدان كف على اذنه ليــــن قامت تصفر اذنه ,,,

المهم بعد ما يخلص الفلم اليومي يروح الولد للسياره يلقى اخوه فاتح غطا المكينة ويصب ماء في الرديتر المشقوق تقفل اخلاق الولد وينقز للشارع ويأشر لأقرب سياره ويروح للمدرسه< أكيد حكوميه >>

................................... ...

أطفال الناس الهاااااي

2- بعد المدرسه يرجع اطفال الهاي ويلقى المربيه في استقباله تاخذ

الشنطه وتوديها لغرفته بصحبته يغير ملابسه ويغسل وجهه ورجليه

ويلبس البجامه حقت النوم !!!

ويستريح له ساعه في أنتظار افراد العائله عشان يتغدى, وبعد الغداء

الرايق < طبعا ما اعرف وشو بس اللي اعرفه انهم ياكلونه بشوكه
وسكين >>

يروح لغرفة الجلوس ويشرب شاهي للتهضيم ويحلي بقطعة كيك وبعدين

يروح لغرفته ينام له ساعه قبل العصر.

................................... ....

ورعاااانا المحترمين

اما الولد منهم يجي من المدرسه وثوبه قالب لونه بني< تقول جدار بيت طين >>

ولا دخل البيت حذف الشنطه < اسف السير اللزاق>>بالصاله وفصخ ثوبه

ووينك يالشارع < اخوياه يحترونه>> وهاتك ياللعب

كوره بذا القايله وعادي الشارع مولع من الحراره وهم عادي مررره

ولا كأنه فيه شيء واهله ما يدرون ؟؟

في هذه الأثناء يرسل ابوه كتيبه من اخوانه للبحث عنه ولا لقوه وجابوه

للبيت قام يصيح طقوني وسحبوني قدام الناس < والله ما أحد لمسه النصاب>>

المهم يحطون الغداء < معروف يا كبسة لحم ولا مشخول دجاج >>

غيره ما فيه!! يتغدى الولد الكريم ويصــــــــــــــــــك بعدها سحلة لبن

بعدها يجلس ساعه فاتح ثمه < تحاول تسكر بفمه أنسى >>
فااااااااااقد طبيعه >>
يحتري من يوديه يغسل له يديه!!!!!!!!!؟؟؟؟؟؟؟

................................... ...

أطفال الناس الهاااااي

3- اطفال الهاي لا جاء العصر جابوا دروسهم وشافوا وش عليهم من

واجبات وحلوها وحضروا دروس بكره بمساعدة الماما والبابا.

بعدها يروح لغرفة الألعاب ويجلس على البلاي ستيشن 2 وخذ لعب

لمدة ساعتين تقريبا يعني الى وقت ما بين المغرب والعشاء.

بعدها تطلبه امه مع بقية أخوانه عشان يجتمعون ويشربون العصير

ويسولفون سواليف مررررررررررره حلوه < أسألوني >>!!!!!!؟؟؟؟؟

................................

ورعاااانا المحترمين

يجي وقت العصر وهو نايم < مفعول اللبن >> يقوم قبل المغرب

وياخذ دروسه وواجباته

< وأقلامه ناسيها في درج الطاوله اللي بالمدرسه>>

ويروح عند أخته ويتحايل عليها بكل ما أوتي من قوه على شان تحل له

الواجبات واذا قالت لا يا ويلهاو يا سواد ليلها .

بعد كذا أنواع الدجه مع ورعان الحاره ومن هم على شاكلته ما يخلون

هندي الا وسرقوا سيكله ولا دكان < حلوه دكان >> الا ولعبوا بحسبته

ولا رجع البيت < على الساعه 11 تقريبا >> تلقى راسه مفلق من

جميع الاتجاهات والشرطه تدوره وجارهم مسوي أعلان عليه مطلوب

امنياً حي أو ميت!! وخذلك عاد < مساكين اهله >>

................................... .....................

أطفال الناس الهاااااي

4- أطفال الهاي بعد ما يتعشى ويمسي على اهله يروح لغرفته ويجلس

على النت ساعه أو ساعتين الى موعد نومه < الساعه 10 تقريبا >>

بعدها يغير ملابسه وياخذ الدبدوب حقه وينومه معه وتجي المربيه وتحكي له قصه اللين ينام وتغطيه وتطفي النور.

..................................

ورعاااانا المحترمين

لا رجع البيت< الساعه 11>> ما يدخل مع الباب

الا ينط من فوق السور على شان ابوه ما يمسكه .

وعلى طول يزبن لغرفته ويسكر الباب ويطفي النور ويطل من الدريشه

على باب الشارع الرئيسي يشوف وش صار على

مسلسل المشاكل المكسيكي اللي جابها معه للبيت وكيف بيحلها ابوه

مع الناس ومع جارهم ومع الشرطه.< يــبي يقيــــّم ابوه ابو الشباب >>

وفي أثناء ذلك يستغل الفرصه ويدز للمطبخ وياخذ منه جبن < جبنة البقره الضاحكه >>
وخبز تميس من حقت الصبح وتكون ياااااابس ويرجع لووووووووووكره<اسف غرفته>

ويقفل باب الصندقه <اكرر أعتذاري الغرفه>> ويتعشى من ذا الجبن والخبز

بعد مايلاعب الدبدوب حقه ((الضب اللي معه))

اللين يدوخ <على الساعه 12,30>>

لا وأزيدكم من الشعر بيت ما ينام

الا وهو متلطم!!!؟؟؟ < على باله مراقب >>

................................... ................................... ...........

الفرق بين اطفال الهاي هاي ,,,, واطفالنا ؟؟

الهاي هاي ,,,

وجهه وسيم .
شعره كبريا او احدى القصات .
يلبس الجامه اثناء النوم.
ناعم الملمس .
شكله انيق ومهظوم.
يركب داخل السياره ويربط حزام الامان .
يبدل الثوب يومياً.
يمشي وهو لابس حذاءه,
يلبس قبوع دائماً.
................................... ..........
اطفالنا ؟؟

حدث ولا حرج !!
وجهه يرووووع .
شعره تقول كنه شعر خروف من كثره وطالع من جوانب راسه عند اذانيه,
يرقد بثوبه الملصق بالوصخ.
داااااااائماً ممشقه يديه ورجليه تقول كنها عكرة ضب.
شكله يروعك وشيــــــــــفه ((شمته بالعربي ))
يركب في الحوض والا يكون متعلق في باب الحوض ,
يقعد عليه الثوب مايقارب اسبوع .
يمشي حافي ,,,,, ولا يخلي قوطي مايشوته ولاجاك الا رجليه يصبصب دمها من ((المشق))
يلبس غترة ابوه وتشوفها تسحب من وراه تقول نسافة دينـــّه ,

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــ
اعذروني عالاطالة

ولكم خالص تحياتي

للتواصل عالايميل chico11-9977@hotmail.com