مقتطفات من حفلة العاسره ( من قبيلة عضيدات من بني عمر)

مقتطفات من حفلة العاسره ( من قبيلة عضيدات من بني عمر)

--------------------------------------------------------------------------------

هذه مقتطفات من حفلة العاسره وهي قديمه والشعار هم
اسطورة الرد عايض بن خفير
الشاعر الكبير صالح بن عزيز
والشاعر سعيد بن ذياب العمري
بعض المستشعرين
العريس اسمه سعيد بن محمد او العكس بس عشان نفهم بعض الابيات الي مذكور فيها الاسم

اعتذر مقدما عن عدم اكتمال اكثر الابيات لكن هذا ما تمكنت من حفظه.

اول ما جاء بن خفير بدع تسليم جميل اعجب كل الحضور واحفظ مايلي
ياسلامي عد ماطاب من تمر المدينه
يوم زاد الله صلاحه بدعوات النبي

الرد صالح بن عزيز
يامحمد قد حضرنا وصار العلم دينه
يوم جا حامل رساله ودعوات النبي


ثم توالت القصايد وبدع بن عزيز مسيره منها

وصلنا في خميس مشيط وابها مراسيل وعزيمه
وصل عندي علوم ووصل علم لعايض بن خفير
قلت ياعايض اش رايك فقال العزيمه من سعدنا
واتفقنا نجي وسعيد غالي علينا كلنا

الرد بن خفير

انا لي تجربة خير وفي الصدق لي صبر وعزيمه
والله العز والمسند ولاني مع حي خفير
علمنا ياسع الونعم الا صاربه ما ياسع ادنى
والخطا يبتعد عنا اذا شافنا ويكلنا

طبعا كان فيه مستشعرين ازعجوا بن عزيز وبن خفير والظاهر كان فيه شاعر منهم فيه بينه وبين سعيد بن ذياب شي فلما اعطوهم بن عزيز وبن خفير وجه وحاوروهم وطنشوا بن ذياب زعل سعيد بن ذياب وقال قصيده يذم الدنيا وان ما فيها خير اخفظ منها

تحذف الكفو والهين بها يات نصرا
مقدر اقول منعي واتكالي بها ( يقصد الدنيا
الرد
انا ما دور اهيمن على ايات نصرا
غير دنيا رمتني في تكاليبها ( الرد من احد المستشعرين

قام فهم بن عزيز قصده وبدع قصيده جميله

فاهم مقصودكم ياسعيد ابن ذياب
العلوم الطيبه ما نحولها عتاب
لو نقابلكم مثل ما نقابل غيركم
ربنا واحد وهو في الحقيقه ربكم
كلكم في عيوننا ربع واخوان ورفاقه
ما نقول هذا نحبه وهذا مشنوي


رد ابو صقر ( بالمناسبه حنا نسميه كمل القصيده ما رد بس يالله)

يالله تم الامن لا ياكل الطرقي ذياب
ومابني بيت وبابه يقر بلا عتاب
كم لسكات الشكاله وعلم الغير كم
مالفينا لطماعه لجل نهربكم
انتحلا بالقوافي ولا للمر فاقه
لامعي في الغيب علم ولا ادري وش نوي
( يقصد بن خفير انا ما ندري عن المشاكل الي بينكم )

قام رد سعيد بن ذياب طبعا على قافيته الظاهر ماقدر يرد على قافيتهم


شد ازملانا في الردود وقالو اسمع ياسعيد
وانا شرحت القارعه ما هبت عل المعنى حديد
يلي توصينا على بدع المثايل وص غير
اخر علوم الغرب ياصحاب السياسه شي مثير
تواصلت لخبار بين المانيا ولمركان ( بن خفير وبن عزيز)
وان شاء الله ينهون الحصار الي فرض عل البوسنه

الرد او التكميل لسعيد بن ذياب
يالله يذا بيده التدبير كان للامركان
تجعل جديد من جديد دايم ملبوسنه

رد بن عزيز على نفس القافيه

حنا بدينا بالصراحه ما توعدنا وعيد
والصدق يعرف صاحبه والعند يلقاله عنيد
جينا نعبر بالحقايق للصغير وللكبير
من قول صالح بن عزيز وقول عايض بن خفير
ياسعيد جينا من خميس مشيط لاهذا المكان
في قدر قيف يوم جانا العلم ما نلهي منة

التكميل لعايض بن خفير
سمعت والبدع المكلف من ولد عم وعيد
الا ان ضربات الهنادي تلتقيها ايدعنيد
ياهيض ناولني مورد منك نهر ومنكبير
فلمتهم يلقى بذنبه من على راسه خفير
سلام عدت ناوي حنت رعوده والمكان
من هاجس الي ماتسمع من علوم الهيمنه

( تلوموني في ابوصقر هذا البيت خلا سعيد بن ذياب يرقص معه من جماله طبعا بصوت ابو صقر ).
قام سعيد بن ذياب رد على نفس القافيه يمدح ويرحب ويعتذر منهم

قام بو صقر بدع على نفس القافيه

عند العضيدي للقوافي هبت ميدان وسيد
حب وشيمه واحترام وتم يالعهد الجديد
الله حسيبي في الحياة ان خذت غير الله ظهير
وانا عرفت الباديه واهل الحضاره والهجير
ان خفت من درب السفر طلبت ربي فيه امان
وانا الذي طيلة حياته مامشى في المسكنه
الرد لبن عزيز

انا فهيم في المعاني وابن عمي فيهمان
النمر نعرف غابته والصقر نعرف مسكنه

ثم توالت القصايد ومنها

بن عزيز
الله يبقيك يالي كل ما نقصده هلابنا
كلنا شعب واحد يدري المجد عن حالك وحالي
كل ابونا رفاقه تحت ظل الفهد بو فيصلي
ياسلامي يثنى عد قطر يبين الا مخاله
ودي ارى السنيه كله ترتوي مما جرى

الرد من ابو صقر
ماهدمنا بيوت الكفو لابصرت ماهلابنا
انتركد في الموقف ولا نبني الاقول حالي
وانت ترى الحق لصحابه وسيف بريع فيصلي
كم تراودني احلام بسيرة ذياب وبن خاله
لو يسولفلك الراوي شرح خاطرك عماجرى


ثم اخر الليل جا واحد من المستشعرين بلحن جميل

اجتمع بو زيد وذيابي ( بن خفير وبن عزيز )
بيدهم سيف ومشعابي
....................عمره
لو يجي ليله بعد ليله لو يجي ليله بعد ليله
ما سرينا لو سرى الساري
كمل معه اخر
كل عاصي جبت عدلي له كل عاصي جبت عدليله
ذاق برقه لو سرى الساري

رد بن عزيز وبن خفير بكل تواضع على نفس القافيه رد جميل جدا

سيلنا نقال ورهابي
مربالوديان وشعابي
مابقي طلحه ولاسمره
شل تمر الصور ونخيله شل تمر الصور ونخيله
وانت داري والسمي داري ( واحد منهم اسمه صالح)
كمل بن خفير
لو ظهر في الحفل سرهابي
حفل هذا الليله يشعابي
لا حفل بعده ولا سمره
لو هوى الخيال عن خيله لو هوى الخيال عن خيله
يخطفونه ماحد(ن) داري



هذا ما ستطعت نقله والمعذره لو فيه اخطاء

ولي عوده بقصائد لشاعرنا الكبير عايض بن خفير