عند باب البنك شفت( بنيـةٍ) كنها طماطه

بسم الله الرحمن الرحيم

السلام عليكم ورحمة الله وبركاتـــه


واسعد الله جميع اوقاتكم بالخير جميــــــع

قصيدة للشاعر المبدع / سعيد بن مقبل الأكـلـبـي

عند باب البنك شفت بنيـةٍ كنهـا طماطـه=شلّت من الزين حملٍ ماحـدٍ يقـدر يشيلـه
والعرب من حولهـا كـلٍ يـدوّر للوساطـه=كل واحد يعّرض الخدمات لعيـون الجميلـه
اخلفت شوفي وجيت مزحلقٍ فوق البلاطـه=عقب مازحلق فؤادي في محاجرها الكحيلـه
اضحكت من منظري قلت اضحكي ياذالحماطه=والله ان ضحكك يرد الروح فالكبـد العليلـه
وقمت احت الثوب واسوق البلاهه والعباطه=يمكنٍ تمشـي عليهـا خفـة الـدم الثقيلـه
واثر باب البنك قدمي قد تربّط فـي رباطـه=والقزاز من النظافه ماعليـه ايـة وسيلـه
واخر علومي بعمري يوم ورّانـي نشاطـه=ياصدمني ياصدمتـه المهـم انهـا مهيلـه
طرت كني سندبادٍ يمتطي صهـوة بساطـه=واسمع اهروج العرب حولي ونا اجر الطويله
ما وعيت الا وراسـي حازمينـه بالخياطـه=غـرزةٍ منـا ومنـا غرزتيـنٍ مستطيـلـه
الله انه لايعيـد البنـك وخـدود الطماطـه=كانها حطت على راسي وسـومٍ مستحيلـه

تقبلوا أطيب التحايــ سـ ي ـف الـ ع ـرب ـــا