@@@@@ ـــ{ أفضل طريقة }ـــ @@@@@

ذكر الله ابدأ به بيوت وثيــــــــــــــــــــقه = خير من الدنيا ومن كل منطـــــــــــــــوق
يوم ان ذكر الله افضل طــريـــــــــــــــقه = يوثق به المعنى على خير مـــوثــــــــوق
والبحر ما ظنيت يرحم غريــــــــــــــــقه =والباب ما ينّتصّ لو ما به حلـــــــــــــوق
والنحل لو ما أخذ الغذاء من رحيــــــــقه = تـصـبـح مــواريـد الـعـسـل مــا لهــا ذوق
واليوم يا شاكي الحياة المحيـــــــــــــــقه = اصبر فغيرك دايم الوقت ممحـــــــــــــوق
غيرك بنى له قصر وسط الحديــــــــــقه= ويلقى مطاليبه على غيره تفــــــــــــــوق
وانا لقيت النفس دايم رقيـــــــــــــــــــقه = لكنها غمات وان شاء الله تــــــــــــروق
واحذر ترى أهل النفوس الحميـــــــــقه = مثل اللباس اللي من الخلف مشقـــــــوق
ودوّر على نفسك تجدها عـريـــــــــــقه = من اصل طيب ما وجد عندنا البـــــــــوق
ولا تدور على الأمور الزهيـــــــــــــقه = ودور رفيق يعرف الحق وصــــــــــــدوق
ان قال علمٍ ما يقوله بـضـيــــــــــــــــقه = يعطيك صدق القول ما فيه مـلـفـــــــــوق
ان مالت الدنيا أخذك بـفـريـــــــــــــــقه =وان قلت له سرّك يحطّه بـصـنــــــــــدوق
سوالفه فيها معاني عـمـيــــــــــــــــــقه = واللي سمعها من العرب لازم يفــــــــوق
والبوم بوم ينعرف من نـعـيــــــــــــــقه = والحُر عالي في السماء فوق وســـبـــوق
وانا كرهت اهل الطرب والـمـسـيـــــقه = اما مجال الشعر انا فيه مــعــشـــــــــــوق
والابواب عند الناس يمكن غـلـيــــــــقه = لكـن عـنـد الله مـا فـيـه مـغـلــــــــــــــوق
وختامها اصلي بحق وحــقـيــــــــــــقه =عد السحاب وعد ما لاحت بــــــــــــروق
على نبيّ الله خير الــخــلــــــــــــــــيقه = وآخر رسولٍ حق للمسلم حــقــــــــــــوق