بنات اليوم برقع وجوال !!!!!!!!!!

بنات اليوم برقع وجوال !!!!!!!!!!

هذا بنات اليوم برقـع وجـوال=والا عبايـة كتـف هـم يلبسوهـا
والرأس فوق الرأس طرحه مع الشال=حتى الخصال الطيبة افقدوها
يوم البنات اللي غدٍ سبت إهمال=ويوم السبايـب أهلهـا هملوهـا
الأم نامت والابو صار تمثال=والبنت راحـت ويـن مـا يسألوهـا
بالليل تسهر بين هاتف وجوال=والا على دش الفلـس سهروهـا
اقفاي هي ما بين الأسواق وإقبال=بلا غرض راحت ولا انشدوهـا
اللبس تلبس كل ما يطرب البال=وفلوس لو تنقص عليها عطوهـا
من شافها باللبس يا ساتر الحال=يسبهـا ويسـب مـن خلفوهـا
كومة لحم وعيون والرمش قتال=ويلا مشت كل الشباب اتبعوهـا
هم ما دروا لون البراقع بتنشال=ونشوف وش تحت البراقع خفوها
يرتاح من صابه من اسبابها هبال=ويشوف والله من عيونه هووها
وين البنات اللي بهم تضرب امثال=ليت السلوم الطيبة ما تركوهـا
البنت زين البنت لا زانت الحال=ما هو بلبـس ولا علـوم خذوهـا
وين المراجل ما بقى غيره ارجال =ليت الشوارب واللحى حلقوهـا
اللي على عاره رضي الذل ينقال=ليت الكرامـة ليتهـم يرفعوهـا
ما عاد ينفع قول فيها ولا قـال =لا الأم والله ولا الأبـو انفعوهـا
اصبح ضياع البنت بسباب جوال =البنت ضاعـت والأهـل ضيعوهـا

قصيده اعجبتني وانشاء الله يحوز على اعجابكم
وليس لدي علم انكانت مكرره ام لا