وين انت ياللي بعيد ان كان توحيني

وين انت ياللي بعيد ان كان توحيني=ينده لك اللي بعيد وذابحه شوقه
هو انت عندك خبر باللي حصل فيني=تسابق الدمع حتى جفت عروقة
لا الليل ليلٍ ووجهك ما يمسيني=ولعِبْت باوراق والاوراق محروقة
مااكثر وجيهِ تصادق قلبي وعيني=لكنها ماوفت للمرهي حقوقه
من غبت عني وغابت فرحة سنيني=والليل شاحب اذا ما هو القمر فوقه
والى تذكرت صورة وجهك الزيني=وشميت عطرٍ يشابه عطرك بذوقه
فتانة الحسن عن كل المزاييني=انتي سحابه عطر من نور مخلوقه
ان كبر حظي تعزمتي وجيتيني=والى هفى الحظ مات العاشق بشوقه