مضايقه جديدة لقلوبكم

اخواني الكرام

السلام عليكم ورحمة الله وبركاته

وددت ان اضايقكم من جديد فتحملوني

اتمنى ان ترقى الى قمم ذوائقكم وارجوا ان تحوز على بعض رضاكم

تقبلوا معها وقبلها وبعدها خالص الحب وكل المودة




(( جايز اكون ))

جايز اكون انسان ضاع بين عشق ٍ واغتراب=
=ولا اكون انسان نادم عالليالي والسهر
يمكن اكون اللي تحلى بالصبر يومه تراب=
=وما حس فيه الصبر الا يوم في تالي العمر
او احتمال اني اكون اللي تمنى ثم خاب=
=ما كان يتمنى .. وهام يحّسب الساعه شهر
اعطيت للعقل المجال لكن عقلي فيه ذاب=
=احسب اني جبت علم مير ما عندي خبر
ماكني الا من توسد حرقت الوقت بذهاب=
=لا سلم من جور الزمان ولا سلم لفح الجمر
ياويل قلبي كيف انا اشرب ضيمة المخطي شراب=
=وياويل حالي لا نكويت واعود ادور اثر
يمكن اكون اللي بغى يقفل على ماضيه باب=
=ويمكن اكون اللي بغى يبقى مع الماضي دهر
جايز اكون اللي لقا باخر طموحاته سراب=
=وجايز اكون اللي خذا من باقي ايامه قهر

.