يا كبرها لا جات من أقرب قريب

قصيدة (ا لزميل ا لشاعر/ معزب الطرقيه)

اتمنى ان تحوز على اعجابكم

يا كبرها لا جات من أقرب قريب وفي الصميم=من شخص تتنفـس هـواه ولليالـي ذاخـره
اللي حياتك كانت بقربـه نعيـم ٍ فـي نعيـم=ومن غلطتن منّه حسبها منك جاك من آخـره
وش حيلتك لا كانت الدعوى قهر وقت الصريم=وتحس دودة الأرض جالت في عظامك ناخره
يضيق صدرك والقلوب تذوب وضلوعك هشيم=حتى النسم تبغاه وما ياتيك مـا الله صاخـره
كنك من أهل البحر وسط الموج والرؤيه عديم=والباخـره قفـت وعينـك تلتفـت للباخـره
الحظ عاندني قهر يا حظ يـا حظـي السقيـم=مـا كنـك إلاّ عبـد سـو ٍ فتحـت مناخـره
تزهم تعزوا تحتـزم ماينفعـك سلـم ٍ قديـم=وماينفعك طيب ٍ وهبتـه للوجيـه الساخـره
ماهو إباقي غيـر قلبـك إن وهبتـه للسديـم=ابيحترق طيبه فخـر وتفـوح بـه مباخـره
ويظل ذكره واحترامـه دامنـي حـي ٍ مقيـم=وإن مات يبقى للبشر أكبـر علامـه فاخـره
وإن كان بدمح زلتك يانور في وقـت العتيـم=شف عادها بقلبي كبيـره والمعانـي زاخـره
الأولـه و الآخـره و الله وبـا لله العظـيـم=الذخر يبقى لي ذخر فـي الأولـه و الآخـره