فيروس حبك بي مسوي عمايل

الاحبة الافاضل ارجو ان تحوز هذه القصيدة المميزة في نظري وهي منقولة
وحبيت ان تستمتعوا بهذا النظم الجميل ولكم ولصاحب القصيدة التحية والتقدير

في دسك توب القلب سويت فايل =باسمك وخزنته بوسط الديكومنت
وبيجك على الفيفورت ماله بدايل =في الميموري والهستوري قد تدونت
فيروس حبك بي مسوي عمايل =في هارد دسك القلب طحت وتمكنت
وايميل قلبي صار لك حيل مايل =يكشف لك الباسورد من وين ماكنت
مبرمج ديليت لكل الرسايل =وبلوك سندر للمخاليق الا انت
سويت شت داون وريستارت احايل =اثرك على السيرفر بحاله تسلطنت
جربت داون لود ‎…باصعب وسايل =عيا يتحمل غيرك وتالي اذعنت
لو سوت الماوس بقلبي هوايل =سويت له ريفريش وبحبك اعلنت
ياويب ماستر خاطري بالقبايل =مالي سبايت غيرك ولا بعد انت
نذرت لك كيبورد عمري وشايل =لك في فلوبي القلب صورة ولا خنت
وسويت لك إنتر ولاني بـ قايل =إند ولو في مودم القلب طعنت
دبل كليك اضغط على كل فايل =في القلب ماتلقى من الناس الا انت

ولكم تحياتي

وعساكم سالمين من الفيروسات الا مثل هذا الفيروس الطيب