أبــي أعــرف مـن الـغـلـطــان..؟؟

بسم الله

إليكم ماجادت به القريحة..عسى أن ينال إعجابكم


>>>>>>**<<<<<<


هلا يا صاحبي ماهـلـت أمطار وبدا الطوفان
هلا ما هـلـت الدمعة وسالت بها عيوني

@@

صدقتك قولي وفكري وجيتك صادق وشفقان
أبي صدق ٍ أبي عزة أبي قلب ٍ يخاويني

@@

شكـيت الروح والخاطر شكـيت احساسي الريّان
وطويت بدمعتي درس ٍ عقب ماشانت سنيني

@@

رسـمت بفـكري بـطولة..ـوعنّـك كان يا ما كان
ومعـك للـقـا موعـد.. ولـه مشـتاقـة عيوني

@@

زودت حزني وزادت جروحي..وقلبي أنا التعبان
احسب إنه درى وش حالتي وش تملك يديني

@@

ألا والله أنـا مسـكين وأحسـب إنـي أنـا الغلطان
ولأني صادق بحبه غدا ذا اليوم مشقيني

@@

لأني دوم له مكرم..طـلعـت بحسـرة ونـكـران
لأني كـنت أنا عزه سكن بأقصى شراييني

@@

هديتك قلبي وصدقي..وعطره كادي وريحان
هـديتـك ودي وليتك عـرفـت اللي يسليني

@@

بهاجر واكتب السيرة وأدونها على الجدران
أبكـتب مع محبتكم..لقيت الغدر ماحيني

@@

ولكن لي سؤال وبس أبي أعرف من الغلطان؟؟
أنا الي كنت لك وافي؟ أو أنت الي مجافيني؟

@@

تصدق كنت احسب إنك بعد مثلي أنا إنسان
تصورت إن لك قلبٍ أنا فيه ورجى فيني

@@

حكاية وانتهت مثل القصص وفيها أنا الخسران
وسـلامة قـلبي وروحـي دامـك مخاوينـي




>>>>**<<<<


وسلامتكم

أخوكم ومحبكم

الناقد