وشم الفراشة

هبيهـا غلطـة مـرت وأنا غلطان =وهبيـني زلـة والعشق مغويـني
هـبي اللي حصل أمـرمقـدّركان=خلا ص العفو مات وماتصافيـني
أنامـانـي مـلاك أنابشـروأنسان=معـّرض للـزلل حيـن بعدحيـني
رصدتـي لي بطرف يلتهـب نيران=شـرارالرمش يوقـدفي شراييـني
ووسمـتي بلحظـك خافـق ولهان=كـما وشم الفراشة في ضلاعيـني
تعب خط القلم يمشي على الكثبان=صحاريه الورق والغيث من عيــني
زهق نفسه على الرمضاء وهوحفيان=يعبّـرلي شعوري لأجـل يرضيـني
أناياااامـاسقيتـك يـوم أنـاضميان=بحسبــاني يجـي يـوم وتـرويني
أمني خافـق يصـرخ ورى الجدران=ويـرجع لي صدى صـوتي يعـزيني
صرخـت وقلـت للحيطــان أذان=عسـى عابـر سبيل يمـر يوحـيني
يثور من الخيـال آهـات كالبركان=تصـدّع صمـها ممـا تـرى فـيني
رسمتيني كرسـم الطفـل عالحيطان=علـى بالك يمـر أسبـوع يمحيني
صهيل العشق مالـه داخلك ميدان=تعثّـربك جــوادك فـي مياديني
نخيتيـني وأنا بقـايا آدمـي هلكان=ولبيـت النـداء ياللــي هلكتيني
دفنـتي بالحيـاقلـبي وهـو بردان=وأشـب مـن القهــرنـارتدفيني
نفضت غبـار حب كان بالأمكان=يحطـم مـابقـى فيــني وينهيني
رغـم ذلك تـرى ماني أنا الغلطان=ولازلات عشقــي يـوم تغـويني