جيتكم يا ربعي

يا ربعي اللي فيكم الجود والطيب = يهل الكرم والباس وأهل الرياسه
كل تمنى فيكم النقص والعيب = لو عيبكم في غيركم شل راسه
خوينا نلقاه بأحلى التراحيب = وعدونا يلقى الردى والشراسه
ويا عز منهو جاركم خاوي الجيب = لا ضاقت الأحوال والوقت حاسه
تاريخنا يشهد علينا بلا ريب = أفعالنا قامت على طيب ساسه
يا ربعنا والله ما فيكم أخيب = يا عزوتي لا صار فالراس فاسه
ويا فهد جيتك على نوحك أجيب = والنوم في عيني يجافي نعاسه
خلك على جرحك فلا بد بتطيب = وانا على جرحي أداوي خياسه
والهم قسمة للحشاء لا بد بيصيب = ولا بد مر الوقت تلبس لباسه
صحبة ردين خلها خاوي الذيب = وأعرف خويك من الذهب او نحاسه