ياللي تروح وتجي و تكرر النظرة

ياللي تروح وتجي وتكرر النظْرة
بعيونك الدعْج تسرقني بها سرْقي

القلب عن مثلك وشرواك في حظْره
لاني على طرقك ولانت ابْ على طرْقي

مهما تحاول فلا لك يمّنا دبْرة
لو وجْهتك غرب فانا وجهتي شرقي

في ذمتي ما مِن اتغلّي ولا كِبْرة
ولاني بمتعصب لْربعي ولا عرْقي

مير ان طبعي كذا باقي على الفطْرة
واشوم عن زلّةٍ نغرق بها غرْقي

والدرّه اللي عن الادناس منستْرة
تغلى و تشرى ويفرق سومها فرْقي



# ابو فارس #