XXXنــظــام الــســعــودهXXX

الـسـلام عـلـيـكـم ورحمــة الله وبركاتـــــــه

يسعد مسااكم وجميــع اوقاتكم بالخيــر جميـــع

هــمــســه إلى الغيورين فقــط....
همسه إلى ابناء هـذا البلد الطيب...
القصيده طبعاً موجهه للدكتور غازي القصيبي...
قصيـده فيها الكثير والكثيـر...
لـن أطيل عليكم
أترككم مع القصيده




ياقصيبي لو سمحت وباختصـــــار ** قول وش قدم نظام الســعوده



عـند مكتبكم طوابير انتــــــظـــــار ** كـل يـوم اعدادها متزايـــــده



لاتقول ان المهـن تبغي اختبـــــــار ** ويشترط خبره سنين محــدده



ومن نجـح يبقي عليه الاختبـــــــار ** والوظيفه بعـد عامين ابيــــده



البطالـه فـي تزايد وانتـظـــــــــــار ** والمطالب والشروط معقـــده



حلـها واضح ولايبقـي قـــــــــــرار ** ابعدوا عنـا العماله الوافــــده



وانا بحكي قصتي لـك با عتبـــــــار ** الكلام اللي براسي باســـرده



كنت قـبل العام بايـع للخضـــــــــار ** اشتري وابيع دون الفائـــــده



المحـل مترين والايـجار نــــــــــار ** والبضاعه كل يوم فاســــــده



الطماطم خاس واعدم لي الخيـــــار ** والبصل والثوم بيعه منكـــده



والزبائن عـند جاويـد افتخــــــــــار ** جاري الهندي تجيه وتقصـده



ما بقي غيـر المرايا بالجـــــــــــدار ** والمكيف والخشب والمنضده



قلت افكر أشتغل تكسي مطــــــــار ** نحمـد الله المـهن متعـــــــدده



وابتديت الشغل من بعد الفطـــــــار ** وانتهيت الليل بعـد الواحـــده



منتحل شخصيه الهندي كومـــــــار ** الشنب محلوق والراس افرده



والسبب اني سعودي ابن الديــــــار ** حظي ماهو حظ هندي اسعده



ضايقونا من يمين ومن يســــــــــار ** لعنبو شغل الشوارع محســده



الخصوصي يشتغل وضح النهــــار ** لارقيب ولا مرور ايطـــارده



ولواصادف حرمه تحذفني بــحجار ** كنني أبليس فوق المقـــــــعده



وجمعت المال من بعد اللي صـــار ** ويا حسافه يوم قمت اعــــدده



مـا يكفيني مصاريف الصـغـــــــار ** والديـون اللي بعقلي شـــارده



والفواتير والمعيـشه والايــــــــجار ** والعقـل باقي قليل ونفقـــــــده



ويا قصيبي لو سمحت وبا ختصـار ** ابعدوا عنا العماله الوافــــــده

.
.
.
.
صح لسان الشاعر


تقبلوا خالص تحياتي وتقديري
سيــف العرب