شيء من السوق

المشاركة الأصلية كتبت بواسطة ابو سيف العمري

هههههههههههههههههههههههه الله يسعدك راعي روايا

أما الشعر فبتركه لأهله ........ واللغز برضه صراحة صعب


لكن تذكرت لحن لعيسى الأحسائي يركب على هالأبيات

كل مرة تطل علينا ... ينتثر مع هالإطلالة إبداع جميل جدا حتى لو ما فهمنا مغزاه

تقديري

مرحبا ترليون أبو سيف

دوم الضحكة يا رب ,, جميل انكـ لقيت لها لحن عزيزي

شكرا للاطراء وهذا من ذوقكـ غالينا ......... على فكرة عندي هدية كان قصدي

اعطيها واحد ثاني ولكن مع قدومكـ الكريم تستاهلها وهي مسحبانية

لمعرفتي انكـ تحب البَرّ والبُـرّ والفلكلور .

.

يقول ..

غيم(ن) تحــــدّرســــديمة ... يهمي على البدو ديمـــــــة

في ليلة(ن) موسميّة

احيـا حيــــاة(ن) قديمــــــــة ... فيها النــــــديم ونديمـــه

مابين روحة وجيّـة

.

البــرق له ليمعـــــــاني ... والرعــــد باحلى المعــــاني

ينشد حروف(ن) شجيّـة

الحـــــــانها المسحبـــاني ... شوق(ن) مع البـــوح باني

ساق المشاعر هديّـــة

.

الله يعــين المحبيـــــــن ... اللي مشــــــــاعرهم اتبين

في كل صبح وعشــيّة

لو يكتمــــون الهـــوى بين ... قلبين يفضحهــــم البين

ويسوقهم للمنيّـــــــــة

.

وانا مع اللي لهم شــــــان ... فـ الحب جائع وعطشان

طيّحت ما في يديّــــه

قبل امس عـ الصدر نيشان ... واليوم ضايق وطفشان

اثر المفارق بليّــــــــــة

.

قلبي من الوجـــــــــد حنّـا... ع اللي هـــواه امتحنّـا

خلّا حياتي شقيّـة

يا زين وش جــــــاكـ منّا ... نجيــــــــكـ منّــا ومنّــا

وتصـدّ في كل جيّـة

.

ليتكـ تلمــــــلم جروحي ... وتبدد احــــراج روحي

حتى نحل القضيّــــــة

دام الغلا والســـمو حي ... خلّكـ لطيف وسمــوحي

لا عاد تقسى عليّه

.

قربكـ لقلبي ظمـــــــانا ... والوصل يروي ضـمانا

ويخلّي الروح حيّـــــــة

مادمت حافظ هـــــوانا ... ما ارضى لقلبكـ هــوانا

بس انتبه لي شــــــويّة

.

ماني بمشــعل ولا هيف ... ماغير اجـــرّ التلاهيف

لاشفت ناس(ن) غنيّـة

وشهوله آزيد وآضيف ... وانا مع اهل الهوى ضيف

لا اطلب ولا آخذ عطيّـة

.

يكفيــني اعيـش راضي ... واسبــح بكـل الاراضي

مع القلوب الرضيّـة

لا آشـــيل هم المقـاضي ... ولا اقبل احكــام قاضي

مادام نفسي بريّـة

,

,

هيـــــــــــا دندن بها لين تاصل الشفا طال عمركـ ورحلة سعيدة

مع تقدير مغليكــ