العاصفة هبت ...

العاصفه هبت على كل مغرور
دكت حزوم الشر واضحت بساطي

منقية اكحيلان في جوها اصقور
ما هي بوضح اهل الترف و الهياطي

ترعد هنا و تمطر على كل مثبور
والجلد ما هو مثل جلد السياطي

اتدمر الباغي و يتجرع الجور
ومن البلى عض الحصى والبلاطي

خله يذوق الويل في شخطة اسطور
ماقف حزم والامر ماهو اعتباطي

الشرذمة ذيل المهازل لها البور
لادين ..لا دنيا وكل انحطاطي

المملكة قلب الدول مهبط النور
اموثقين ابها العرى والرباطي

ارواحنا من دونها اسنين و دهور
واللي يلف انعدله عالصراطي

حنا هل الطالات و الشور و الدور
و يخيب ظن ابنا المتع و اللقاطي

ترفع لنا البيضا و يبنى لنا اقصور
وقفاتنا تقهر حسود وواطي

يالله تديم العز والمملكة سور
متآزر البنيان للخير شاطي