سطور المقاله

اعطتني الدنيا دروس وشهادات :
وآخر شهاده في سلوم الزماله .
اخذتها وانا بباب النهايات :
وموقعها من كف راعي الجماله .
موضوعها ﻻ تنخدع في البدايات :
وﻻ تغرك ضحكة اهل النذاله .
واسلوبها يحكي عصور الجهاﻻت :
اللي ظهر منها فلول الجهاله .
وانا على ما قلت عندي عﻻمات :
ومثبته بآخر سطور المقاله .
دونتها عندي بحبر ولوحات :
على جدار الوقت في كل حاله .
إذا غفل قلبي كتبت البيانات :
بالكف فوق البوك وعلى عجاله .
ما خفت من الدنيا وزود الدعايات :
لكن خفت القلب يكثر ضﻻله .
صحيح في بعض المواقع مساحات :
لكن تضيق إذا اختصرت الرساله .
وختامها ماني مدور لحاجات :
تقلق دماغي بعد اخذت الوكاله .