يا اهل القصيد

يا أهل القصيد امسيت والفكر محتاس
واصبحت والتفكير شرق وشامي
ما أدري وش اللي صابني داخل الرآس
خﻻني اعيد النظر في كﻻمي
كنت احسب ان الناس تتقبل الناس
حتى ولو هي ما تعرف النظامي
لكن يا حسره ظهر قوة البآس
بين القرايب واصبح الحرب حامي
حتى الخوي من خوته بين اليآس
واصبح يشك ان الموالي حرامي
صحيح ما عاشرت مبدين الافﻻس
لكن توصلني علوم عظامي
وحفظ العهود اصبح مساره على ساس
مصالح بين الرجال ولزامي

وأدرى الطيور اشكال وانواع واجناس
لكن يظهر صقرها حين حامي
والحر والوكري مع طير قرناس
سﻻله الشاهين صقر قطامي
والقلعه اللي حولها جند حراس
اكيد صاحبها شديد وعصامي
يضرب بسيفه كل خاين وخناس
وﻻ يهمه دوم كبر الاسامي
وان جاته الشكوى دسيسه بقرطاس
صادق عليها بعد قول المحامي
ماهو من اللي عاقبه كل وسواس
في كفه اليمنى وثيق الزمامي
واهل المثل يقلون يا ﻻبس الباس
ألبس لغيرك وأردفه الاحترامي
وابعد عن اهل الكبر وفلول الانجاس
ترى مرافقهم يجيه العدامي
وهذي نصائح لي وللغير تنقاس
بمعدل التفكير وايضا المقامي
من قبلها يسلم على العام والخاص
واللي رفضها راح منه إهتمامي

( غرمان بن عزيز )