الوفا بين المطاليق

الوفا بين المطاليق كنزٍ مايبور
له علامات ومحبين وأرباب وسمه

من علاماته على وجه من يهواه نور
ومن سماته فارقٍ عن جميع الأوسمه

مستمرٍ منهجه ماتبدله العصور
النقاء غيثه وصدق المشاعر موسمه

بشت رجالٍ على جور من يعرف صبور
في جبال الصدق منحوت بالعز أرسمه

لايباع ولايورّث وراعيه مخبور
الله اللي في المناعير حطّه وقسمه

طير حُرٍ مايوقع على كف معثور
فعل قرمٍ كبد الإضداد ذاقت ميسمه

فيه من راي المجرب ومن فعل الجسور
ومن صفات اللي لما قال رايٍ أحسمه

غير من باب النصيحة وتهوين الامور
ماذبحنا الفيل من شان شحمه ودسمه

من كلا في تالي الوقت من لحم الجزور
لوث اجوى روضة الطيب ريحه ونسمه

ومن حفر في تالي الليل ساحات القبور
حالفٍ إنه ماخدعني بضحكة مبسمه