وقت اللزوم .. ندق الخشووووم ..

عزيزي غلا...ي
من طبعي إذا شفت بعض المواضيع الرياضيه المطروحه
فيها شد ومحاذفه أطلع منها بريشي مالي ومال الخط المعلق..!

بالنسبه للهلال وصيف في بطولة ولي العهد ووصيف في الدوري
وبإذن الله كأس الملك من نصيب الهلال يعني سامي عمل كل شي
يقدر عليه كمدرب لأول مره يمارس مهنة التدريب..!

الماضي والنتائج القديمه الذاكره لاتسعفني كثيراً ولاأهتم لها
لكن أعرف إن الهلال من مبطي منتعش بطولات على عكس
فريق النصر اللي بالقطاره وبالعكس الزعيم أمس قدم فلم
هندي جميل ويشهد له استاد الملك فهد وأتمنى أن تستمر
الأفلام إذا كانت بالروح اللي ظهرنا فيها أمس والإبداع اللي
شفناه..

عموماً ياصديقي النصر مثل ما تفضلت أجتهد ودفع الأموال
اللي تعدت 120 مليون مثل ماتفضل كحيلان وهذه نتائجها
وقاعد يقطفها والهلال عنده أخطاء ونعترف فيها ومنها الحارس
وليست مهازل مثل ماذكرت ولكل جواد كبوه
وقريباً بيعدل الكوتش الأمور بحول الله..!

مبروك لكم الدوري مره ثانيه وإن شاء الله يستمر هذا التنافس
بين الزعيم والنصر خاصه لأنه له طعم خاص عند محبينه
من جماهير الفريقين ..!

دمت بود وتقبل أصدق التحايا ..!