فجأة كذا صرنا بعد حبّنا أغراب ..!

مات الغلا والحب ماعادنا احباب
وصارت علاقتنا علاقة عقيمة

عودتني بغياب وغياب وغياب
لين انتهت روح العتب والحشيمة

فجأة كذا صرنا بعد حبّنا اغراب
فجأة .. تهاوت كلّ حاجة عظيمة

من دون لا يحصل قضية ولا اسباب
بخلت مواصيلك وكنتي كريمة

جرحتني والخافق اهتز وانصاب
واصبحت من جرحك بـ حالة سقيمة

ان مر يوم آقول بيطيب ماطاب
وإنْ طاب تبقى ذكرياته مقيمة

وصبرت لين الصبر في ناظري شاب
والدّمع من غيم الوجع هل ديمه

والصدر به جمر المعآنَاة شبّاب
احرق حشآي وجرّده من صميمه

خذوا النصيحة يالأجانب والاقراب
من تجربة حبٍ جرَت لي أليمَة

اذا المحبة كانت لـْ شخص كذاب
تصبح عواقبها .. عواقب وخيمة

لذلك آآنَا بعته بقيمة تراب
دامي بعينه صرت دقّة قديمة

وماعاد هو معذور لو قالي تاب
حتى ولو يذرف دموع اليتيمة


وسلامتكم

الرياض
23/3/2014