خطااابة حارتنا .. الأمل الضائع

خطااابة حارتنا .. الأمل الضااائع

--------------------------------------------------------------------------------

السلام عليكم ورحمة الله وبركاته
اخواني .. أخواتي أسف جدا أقحمتكم معي في ثلاث موضوعات عن الخطابة ..لكن كان لابد كما بدأت أنتهي .. وأعترف أيضا أنني أخطأت ولم أستمع لنصائحكم.. وها أنا أتحمل خطئي ..وبالدخول في الموضوع أقنعت نفسي بضرورة الزواج من الخطابة ..ذهبت وكلي ثقه معرس جامعي وسيم ولا (شعبان عبد الرحيم ) في ريعان شبابي وش هالثوب وش هالطيب (محلق منعم مقبلن مدبرنمعا كطاووس حطه البدر من علي ) أدندن مع نفسي تستاهل الحب نجديه
دقيت الباب ثواني ورد ولدها أبو شنب .. قال وش تبي ؟ قلت أبي الوالده ؟ قال معك موعد؟ ضحكت بسخرية وقلت حنا ما ناخذ مواعيد حبيبي .. ناظرني أبوشنب من فوق لتحت (قلت في نفسي معلش كلها يومين وتقلي ياعمي)..
شوي وقال تفضل دخلت ثواني ودخلت الخطابة ورائحة طيبها تسبقها .. جائت وهي ترتدي في زراعيها وعلى صدرها حول كيلو ذهب .. حرمه تتوهج وتتلألأ ..
قالت وش عندك تبي عروس قلت لا أبيك انتي .. جيت أتفق معك على التفاصيل قبل لا أجيب الأهل .. قالت وش شهادتك قلت جامعي أشارت بيدها
الى الكمبيوتر الموجود بالغرفة وقالت بوظفك عندي وش رايك ؟ قلت زين قالت تمسك ملفات العملاء والمواعيد والرد على التليفون وأعطيك راتب زين (قلت في نفسي زين وظيفة وعروس وعندي وظيفة من أول يعني صار عندي راتبين ) أكيد دعاء الوالدين .. قلت زين وش طلباتك ؟قالت أبي مهر زين قلت كيف يعني ؟مو تقولين مسيار .. قالت عارفه انه مسيار .. قلت كم تبين قالت قدامك خيارين اما 100 ألف أو 50 ألف ودتسن .. وأبي حفل في قصر وطقاقات قلت كم يكلف قالت حول 30 ألف وأبي فستان زفاف قلت كم قالت حول 5ألاف ..أنا حسبتها تمزح .. لكن كان الكلام من جد صراحة انقهرت قلت صراحة الفستان غالي أنا عندي حلاق هندي انما ايه أحسن واحد يفصل فساتين زفاف عشان كذا حلاقته مو زينه .. ومت من الضحك ماني مصدق الي بيصير .. قالت تمزح انت ووجهك قلت ياخاله ما يصير قالت خاله في عينك قليل حيا .. لما انت مطفر (مفلس) ليش جيت ؟ بنات الناس مو لعبه عندما قالت هذه الجملة توقف تفكيري تماما .. حرمه كبر أمي تقول بنات الناس (يكرمو البنات ) قلت شوفي ياطويلة العمر ما عندي غير 20 ألف وتحمدين ربك .. قالت روح تمش فيها قلت مشكوره وما قصرتي .. قمت من مكاني وقلت وين الباب قالت كمان ما تشوف قلت كنت أشوف من شوي .. ضحكت ضحكه اهتزت لها الجدران .. خرجت وانا أجر أذيال الهزيمة ..دخات وكلي ثقة وخرجت وكلي ندم .. فالناس صارت طماعة تبيع وتشتري في أي شيء ..حتى الاحاسيس والمشاعر والقلوب واذا كان لديك اعتراض قال لك الأخر (بين البائع والمشتري يفتح الله )
محد يلومني كان من الضروري أخوض التجربة وليش أنا جااامح ؟

المعرس المجرووووح